الله يكرمكوا يارب ……. ادعولي اخس ويكون عندي طموح انى اخس لان انا مش هاممني ولا جوزي مشجعني عادي عنده بس انا كل ما اروح لماما تقولي خسي وعندي فرح اختي كمان 4 شهور وعندي اولاد نفسي امشي جمبهم اجري زي الفراشة بس ازاي ده يحصل معنديش ارادة
امبارح روحت لدكتور ريجيم ومش عندي اي ارادة بس قولت اهي محاولة
عملي نظام مش فيه عيش ولا رز بس فيه توست سن وسلطة زائد البروتين وخصوصا السمك المشوي لمدة 6 مرات يوم ويوم وتونة 3 مرات وزبادي وجبنة قريش 3 مرات عالغدا والفطار والعشاء ياتفاحة خضرا او مورة
واشرب اعشاب قبل وشاي اخضر احمد بعد وقبل الفطار كروماكس وبرشام سوبر سليم ومعلقة جنين قمح
عملت الريجيم والتزمت من 7 ل12 الصبح بالتعليمات لكن اللى حصل ان انا مكانش عندي لسه الاكل بتاع الغدا وبين الوجبات قالى على عصير اجبارى بين الوجبات
وعند الجوع زبادي بشوفان وعسل وقرفة
المهم جوعت اوي ومعملتش حاجة فى البيت يدوب طبخت وكل تفكيري كان هكمل اليوم ازاي وانا جعانه كده وكل همي فى الاكل لا رتبت ولا حاجة ويدوب انظف ورا الولاد واولادي كانوا بيلعبوا وبيضربوا بعض وانا لقيتني عصبية اوووووووووي بضربهم وبزعق واصرخ على كل كبيرة وصغيرة
وفجأة
روحت اكلت ربع رغيف بلدي بجبنة رومي
وبعدها بشوية اكلت ربع فرخة متقولوليش ده من ايه بس اتفجعت لاني كنت جعانه وكان ممكن اكل شيكولاته بالفول معرفش ازاي
وبعدها اكلت اس اند اس
وبعدين هوهوز
وبعدين بسبوسة حتة صغيرة اوي بس اهو طفاسة وخلاص
وبعدها روحت انام بقى علشان اكمل خيبتي التقيلة
وبعدين صحيت متاخر اكلت نص رغيف بجبنة رومي
وشربت شاي
شوفتوا فشل اكتر من كده
والاعشاب اللى انا اخدتها دي خليتني ادخل الحمام كل شوية وضغطي وطى وصدعت اوي اوي ولما نمت وصحيت كنت مصدعه زي ما انا ومراحش الصداع الا بكيتوفان والاكل والشاي
واديني سهرانة معاكوا اما اشوف حد يفوقني اعمل ايه
وقال ايه الدكتور عاوزني اخس 5ونص كيلو فى 12 يوم طيب دول يجوا ازاي
تفتكروا ان الريجيم ده غلط ولا انا اشتري كل حاجة للسلطة والمشروبات والزبادي والشوفان واجرب يوم كمان واحكم عليه بعدها[/center][/size][/center]
bebo.amora bebo.amora images/flowersavatars/avatar0016.jpg سوبر فتكات Fatakat 277197 damietta – egypt