السلام عليكم ورحمة الله وبركاته
ازيكم يا فتوكات
زي ما وعدتكم وخاصة في قسم الحوامل
لاني مؤمنة ان تغيير فكر الرضاعة هيبتدي من كل واحدة حامل
لان هي دي البداية الصح انك تعرفي قيمة الرضاعة الطبيعية من قبل ما تديها لابنك
لازم لازم تعرفي قيمتها عشان تستقتلي عليها
الموضوع دة انا نقلتهلكم من
الدكتورة اسماء صادق
ويارب يعجبكم
واسفة ع الاطالة
.
.
.
.
.
نفهم عشان نعرف نريحهم .. و نرتاح
لو قدرنا نفهم إحتياجات و طلبات الطفل هنقدر نريحه و نسعده .. فيريحنا و يسعدنا
إليكم أكثر من طريقة لتوضيح تطور حجم معدة الطفل أول أيام بعد الولادة "الفترة الذهبية" إللي بتحدد أشياء كتير في حياته بعد كده
الأيام إللي فيها الطفل بيطلع من الجو المثالي الرائع إللي كان فيه 9 أشهر … و يخرج للدوشة و العالم المختلف كليا على إللي إحنا فيه!!!!
الأيام إللي لازم نحارب علشانه فيها الفلكلور الخاطئ و التوصيات الخاطئة – عشان نوصله أهم وجبه هيحصل عليها في حياته "لبن السرسوب"
الفترة إللي تعاملنا معاه فيها هيبدأ في تشكيل شخصيته و ثقته في نفسة و في المجتمع
…………
يا ترى بكاءه في الفترة دي سببه إيه؟!!!
جعان؟ … طب اد إيه لبن يكفيه؟!!!
عشان نعرف إحتياجه اد إيه .. نعرف الأول حجم معدته في الفترة دي …
أول يوم: "فقط" 5-7مل (حجم بلية – حبة كريز – معلقة شاي لمعلقة و نصف).
اليوم التالت: 22-27 مل (حجم كرة البينج بونج – ثمرة عين الجمل) (مرحلة بداية مرحلة "هجوم اللبن")
اليوم السابع: 45 – 60 مل (حجم ثمرة مشمش)
عند الشهر الأول: 80-150 مل
____________________________
نستفيد من كدا إيه؟
إن بكاء الطفل أول أسبوع من عمرة في أكثر الأحوال "مش جوع"
هو عنده حاجات كتيييرة أهم من كده
و عشان إحنا بنترجم بكاءه غلط .. بنبدأ معاه من أول يوم "هو بيطلب حاجة و إحنا بنديه حاجة تانية!! (أعشاب – لبن صناعي – جلوكوز!!!!!!!!!!!!!!!!!!!)
و ياريت الحاجة التانية دي مفيدة –
كفى بضررها إنها بتفوت على الطفل فائدة لبن السرسوب/المسمار أول 24 ساعة .
كفى بها ضررا إتساع بطن الطفل أكثر من حاجتها .
كفى بها ضررا أنها تعطى بالببرونة إللي ممكن مع أطفال من مرات قليلة تخليه يرفض الرضاعة من أمه.
……………………………
لو قدرنا نفهم إحتياجات و طلبات الطفل هنقدر نريحيه و نسعده .. فيريحنا و يسعدنا
البداية السليمة = تجربة رضاعة و "تربية" سلسة و مريحة و سعيدة
فيروزة 22 فيروزة 22 images/flowersavatars/avatar0025.jpg سوبر فتكات Fatakat 144663 القاهرة – مصر