السلام عليكم ورحمة الله وبركاته
ازيكم يا فتوكاااااااتي الأعزاء
انا كنت كتبت موضوع قبل كده عن طريقة التومية اللي من الاخررررررر (من وجهة نظرى) لانى بصراحة مش بفضلها تتعمل ببياض البيض بحسها زفرة زي المايونيز ومش بحبها بالبطاطس ..لكنى كنت بحب بتاعت المطاعم (خصوصا بتاعت الجامعة للي عارفينها كانوا بيعملوا سندوتشات شاورمة سورى تححححححفة كانت اجمل تومية دوقتها..وكتبت الموضوع بس للاسف مكنتش نزلت صور ولينك الموضوع
https://fatakat.univanet.com/#3873880
وردودكم شرفتني بجد ..بس كان فيه شكاوى انها بتطلع سايبة او غامقة اوغيره
فقلت لا لازم اصورها (اصل كانت طالبة مع اختى اعملهالها ) فقلت اصورها بالمرة اوريها لفتوكاتي
ندخل بقى في الموضوع
هقول المقادير بس انا المرة دى عملت نص الكمية اللي في الموضوع الاول بس ..(بس عادي ممكن تعملى ضعف الكمية براحتك)
نبدأ بسم الله
المقادير
2 فص توم
رشة ملح
نص معلقة صغيرة عصير ليمون
3 معالق كبار نشا
34 كوب ماء
ربع كوب زيت ذرة
هنا حطيت النشا في طبق الومنيوم (او طاسة)
وحطيت عليها المية
وقلبتهم على نار هادية زى الصورة كده
وبسيبها بالظبط دقيقتين او تلاتة بالكتير بنلاقي المية بتتبخر والنشا بيجمد زى المهلبية كده
ولما بتكون كده بتطفي النار
بصي بتكون كده زي المهلبية (علشان اللي بيقولوا بتكون سايبة لازم تسيبي المية تتبخر ويكون النشا بالشكل ده)
وتطفي النار وتسيبيها مش اقل من نص ساعة تبرد ودى اهم تكة فيها علشان تكون لونها ابيض ناصع مش صفرة
.
.
.
نيجي بقى للخلاط (هنا للاسف مش استخدمت خلاط لظروف طارئة ادت الى عدم تواجده ) فاستخدمت كبة ..بس على فكرة الخلاط افضل بكتيييييير طبعا …
حطيت رشة الملح والتوم وعصرة الليمون
خلاص خليط النشا برد؟؟ نحطه على الليمون والتوم والملح في الكبة زى الصورة
وبعدين نحط نقطتين من الزيت اللي قلنا عليه في المقادير
ونشغل الخلاط على سرعة عالية "معلش معرفتش اصور الخطوة الجاية دى"
(ممكن علشان النشا تقيل فمش تمشي سكينة الخلاط معاكى) عارفة وحصلت معايا ..انتى بتزودى خيط رفيع من الزيت والخلاط شغال متقلقيش بيتجانس مع بعضه ويعيش حياته لحد ما الزيت يخلص بس اهم حاجة تضربيهم كويس اوووووى علشان السلطة مش تفك من الزيت
وده لما غرفت منها لاختى (على فكرة بتطلع اتقل من كده لما عملتها في الخلاط بس هنا للاسف بالكبة اقل سماكة بس سمكها كويس)
بصوا انا تعبت في الموضوع ده اووووى يا فتوكات ف اللى هتخرج من غير ما تقيم ليلتها مش معدية
والطبق ده لاول فتوكة هتقييم 
متنسونيش في دعوة حلوة زيكوا كده
في رعاية الله
مواضيع هذا القسم برعاية
noora.elnahas noora.elnahas 552038_1.gif فتكات هايلة Fatakat 552038 القاهرة – مصر