احب اولا اشكرا الفتوكات اللى شجعونى جدا فى اعادة النظر فى الانشون اللى عملتة المرة الى فاتت اللى هو مش لانشون (بعدم الرد الا فتوكة واحدة مشكورة) مع ان المشاهدات كتير
المهم ندخل فى الموضوع جزاكم الله كل الخير
انا المرة اللى فاتت عملت الانشون باللحمة المفرومة (جاموسى) اما المرة دى عملتها بالفراخ البلدى
انا خليت لحمتها عن عضمها وفرمتها فى الكبة ووضعت عليها بقسماط (1كوب) بياض بيضة وملح وتوابل وفلفل اسمر سواء مطحون او حصة وقطعت عليها 4قرون فلفل اخضر و4فصوص توم ندقهم فى الهون ونعصرهم وناخد التفل والمية نضعها فى مية السليق و3زيتونات مخلية وشطة (حسب الرغبة)
المهم نعجن هذة الخلطة مع بعض ونلفها رول مثل الانشون ونلفها باحكام داخل كيس بلاستيك استرتش ونغلق الطرفين ثم نلفها داخل ورق الالومنيوم ونحكم الاغلاق جيدا
نكون غلين مية فيها ملح توابل ورق لورى مستكة حبهان شطة وبصل وكرفس وما ءالفلفل الخضر والثوم
نضع رولات الانشون فى المية وتكون المية مغطية الانشون وتترك 1/2 ساعة لو انتى مزودة الكمية ممكن نزود عن نصف ساعة
اسف انى طولت عليكم بس حبيت اشرح بالتفصيل
يارب المرة دى اشوف الردود ولو عند اى فتوكى اى اقتراح يا رب تفيدنا
شكرا مواضيع هذا القسم برعاية
laama laama 131258_1.gif فتكات نشيطة Fatakat 131258 المنصورة – مصر