اهلا بالحلوات الطعمات السكرات القشطات توء توء ..كفايه كده الرجيم حيبوظ
جبت لكم اكللت حلوه يارب تعجبكم نقول بسم الله
الصنف الاول كفته مشويه
نص كفته وبصلتين وبقدونس ومعلقتين بقسماط وملح وفلفل ومعلقه كبيره بهارات كفته
نبشر البصل ونصفيه كويس من مايته عشان الكفته متتفرفتش
ونقطع البقدونس صغير ونحط الكفته والبقسماط والتوابل واخلطيهم كويس اوى
وصبعيهم وتكونى مجهزه الشوايه تبطنيها بالفويل وتحطى شويه ميا عشان تضمنى سوى الكفته
ذى كده معلش انا بحب السوى يكون كااااااامل
ودى النتيجه لما اتشوت مشويه كويس
والميزه انها طريه من جوه ولذيييييييييييييييييييييذه موووووووووز
والطبق النهائى ولازم تحته الجرجير
ممممممممممممم الريحه رووووعه
ودلوقتى الطبق التانى زغاليل محشيه
طبعا بنضفهم كويس وادعكهم بالملح والليمون ونحضر الحشوه
بشرت بصله ومعاها حتت سمن فلاحى فى طاسه وبعد ما اصفرت
كنت مقطعه الكبد والقوانس وقلبتهم كويس جدا
وحطيت الرز بعد لما غسلته وشويه ميا صغيرين وملح وفلفل
لحد ما الرز شرب ميته ورفعته وهو مستوى نص سوى
وبعد لما برد حشييت الزغاليل ودى صورته
م وقفلتهم بالخله كويس
وغليت ميا وحطيت بصله وحطيت الزغاليل وبعد لما استوو صفيتهم من الميا
وحمرتهم بالسمنه الفلاحى والريحه قلبت الشقه ودى النتيجه
رووعه
الصنف التالت صينيه كوسه باللحمه المفرومه
ودى ياجماعه والله اول مره اعملها والنتيجه هااايله
شوفو واقولكم
جبت الكوسه ونضفتها وبشرت القشره بس مش كتير وقطعتها حلقات مش وسط
وبشرت عليها بصله وملح وفلفل وضيفت عليهم عصير طماطم
وكنت مجهزه العصاج وضيفته فى الصينيه مع حتت سمن فلاحى واول ما اتشربت الصلصه
دخلتها الفرن بجد تحففففففففه
طعمها يتاكل اكل
الصنف الرابع بيتزا بالبسطرمه والتونه
العجينه نص دقيق ومعلقه خميره بيره بتكون افضل ودوبيها مع ذره ملح ونص معلقه سكر
لحد ما تفور .
حضرى الدقيق وعليه الخميره وزبديه بتطرى العجينه خااالص بجد ونص فنجان زيت
وذره ملح واعجنى يالوزه كويس اوى وسيبيها تخمر ساعتين.
صلصه البيتزا
وبتشبه كتيييير صلصه ماكدونالدز ببشر بصله واصفرها على النار وببشر عليها 2 طماطم
ومعلقه كبيره كاتشب وزعتر وملح وفلفل لحد ما تتسبك عاالاخر ونكون فردنا العجينه ونخرمها بالشوكه
ونحط الاول الصلصه وبعد كده البسطرمه او التونه وبعدين الزتون والجبنه والفلفل ودخلت الفرن
على درجه 180
ودى بالبسطرمه
ودى بالتونه طعمهم خطييييييييييييييييييييييير والعجينه طريه وروووووعه
والطبق ده
كمان شوفو العجينه طريه اذاى
يارب الاكل يكون عجبكم وبزعل اوى من الفتوكات اللى بتدخل وتخرج
من غير حتى كلمه حلوه طب حتى دعوه حلوه
واوعى يالوزه منك لها تنسى التقييم فى رعايه الله
مواضيع هذا القسم برعاية
SOSO MIDO(ملكه العزومات) SOSO MIDO(ملكه العزومات) 470172_3.gif فتكات غالية قوي Fatakat 470172 الاسكندريه – القاهره