حبيباتي الغاليات الفتوكات
إن شاء الله تكونوا بخير كلكم
يارب
جيبالكم بالصور من مطبخي
كفتة مشوية ف الفرن بأسهل طريقة
نقول بسم الله ونبدأ
المقادير ..
لحمة مفرومة ( لو هتجيبي كيلو يبقى ربعه دهن)
بصل , ملح , فلفل اسود
الطريقة ..
نتبل اللحم المفروم بالبصل المبشور والملح والفلفل
ناخد قعطة من اللحم ونضغطها في راحة اليد ونشكلها
على شكل اسطوانة
نلفها على ايد ملعقة خشب
أو ايد ملعقة أكل
دة شكلها لما اتلف
وها خلصت الكمية كلها
ورصيتها في صينية فرن
من غير اي دهون
هي هتنزل كل الدهن اللي فيها
وتتحمر عليه
ودخلتها الفرن على درجة حرارة 180 درجة
وكل شوية ألفها ع الوش التاني
لحد ما تتشرب ميتها وتبدأ تتحمر من كل ناحية
بعد ما تتحمر ممكن تسخني فحمة
وتحطيها في وسط الصينية وتغطيها
عشان تاخد ريحة الشوي
وهنا شكلها بعد ما طلعتها
رصيتها على فرشة بقدونس
ووردة طماطم في النص
عشان خاطركم
ودي صورة أقرب
وبس .. أنا كدة خلصت
إن شاء الله تعجبكم وتجربوها
تحياتي لكم
( بنت بطوطة)
مواضيع هذا القسم برعاية
بنت بطوطة بنت بطوطة 114954_8.gif يـــارب صــبرنا Fatakat 114954 جدة – السعودية