السلام عليكم ورحمة الله وبركاته
ازيكوا عاملين ايه
بصوا بقي انا جبتلكم النهاردة طريقة لعمل لكفتة الكوسة
ومن غير لحمة
اه من غير لحمة
وهي تنفع تعالي معايا وانا اقولك ازاي
بصوا بقي احنا عملين مقاطعة للحمة صح
يبقي لازم نعمل احلي اكل ومن غيرها
وبما ان الكوسة متوفرة اليومين دول ورخيصة
يبقي هنعمل بيها احلي كفتة ومش مكلفة
ازاي بقي
المكونات اهي/
كيلو كوسة مبشورة
4 بيضات
2 بصلة كبيرة ومفرومة
ملح وفلفل اسود
واحد بيكنج بودر
كوب متوسط بقسماط
كسبرة خضراء وبقدونس مفرمين
زيت للقلي
الطريقة/
هنجيب طبق عميق اوحلة
نحط فيها الكوسة المبشورة ونحط عليها كيس البيكنج بودر
ونحط البيض ونقلبهم كويس جداااااااااا
نضع البقسماط والبصل المفروم ونقلبهم حلو جداا
ونحط الكسبرة والبقدونس ونخلطهم كويس
لحد متبقي متماسكة ولو احتاجت بقسماط نحط
بعد كده نسخن الزيت بس ميكنش ساخن قوي عشان متفكش
ونشكلها حسب الرغبة
ممكن اقراص او صوابع زي متحبي
وشوفي بقي الحلاوة بتاعتها
ومتنسوش الدعاء ليا
مع تحياتي
(سمسمة)
هستني رايكم فيها
مواضيع هذا القسم برعاية
مملكة الغرام مملكة الغرام 181526_4.gif سوبر فتكات Fatakat 181526 المنصورة – مصر