ازيكم يا احلي فتوكات …..ادعوا ربنا يحفظ بلادنا الجميلة ام الدنيا
حبايبي القمرات النهاردة …….
هنعمل مع بعض الكفتة المشوية اللي هتشرفك عند جوزك واولادك وحبايبك
وفي العزومات …..
وندخل في الموضوع واللي اتمني من الله انه يعجبكم
المقادير
نصف كيلو لحم كندوز ويكون فيه نسبة دهن
اللي يحب يضيف لية خروف يادوب معلقة كبيرة
معلقة بقدونس مفروم
بصلة كبيرة مفرومة ومعصورة
ملح وفلفل
الطريقة
نخلط المكونات كلها ونتركها نصف الساعة في التلاجة ونصبعها علي معلقة خشب …ونتركها ربع ساعة كمان في التلاجة
وعلي الشواية السخنة يادوب نصف الساعة وتكون جاهزة ولو مش عندك شواية ممكن تدهني صينية زيت ويادوب 10 دقائق تتشوح علي سطح البوتاجاز …وبعدين نضيف ربع كوب ماء وندخلها الفرن تكمل السواء
وبالف هنا ويلا نتابع الصور
يلا قيمي يا قمراية وماتنسيش دعوة حلوة لاختك ام محمود
بحبكم يا احلي واجمل فتوكات في الدنيا
مواضيع هذا القسم برعاية
ام محمود123 ام محمود123 546601_2.gif فتكات رائعة Fatakat 546601 القاهره – مصر