الســـلام عليكــم ورحمه الله وبركــاته
ازيكووو يافتوكات طبعا انا اول مرة اكتب فى القسم هنا بما أنى
مش بعرف اطبخ اساسا
وعايززززة تشجيــع جااااامد اووووووى
علشــان النهــاردة انا جايه اتحدى كنتاكى وجيبــالكو وصفــه تحـــفه للبوب كورن تشيكن احـلى منه ب ملييون مرة كمان
بتاع كنتاكى ابن اللذينه اللى بيحط 5 ولا 6 وبندفع فيهم دم قلبنا بس بنضطر بقى هنعمل ايه .. مين فينا مبيحبش كنتاكى يعنى وخلطاته وتكاته
بصى ياست انتى وهى دلوقتى انا هحط صــورة البوب كورن بتاع كنتاكى وفى الاخر هحط صورة بوب كورنى انا وهتشوفو بعنيكو انهى احلى
طبعا فى الصورة تحسى ان البتاع مليان على اخره وتيجى ع الحقيقه تبصى متلاقيش فيه غير 5 6
انا هخليكى تعملى اوضه بوب كورن بحالها من نص كيلو فراخ او ربع كمان
***********************
نــدخل بقى على البــوب كورن اللى معــايا ونشــوف مع بعضينا
بمقادير سهله اوووووى وموجوده فى كل بيت واى حد يعملها
*المقادير*
شويه دقيق
توابل اللى تحبيها
بيضه
وصدور فراخ
(حسب عدد الافراد)
1- هنحط الدقيق على التوابل ونقلبهم كويس مع بعض
2- هنحط البيضه وعليها الدقيق ع التوابل ونقلب .. هتبقى بالشكل دة
3-هتقطعى الفراخ بتاعتك لأجزاء صغيره خــالص والشكل اللى تحبيه طويله قصيره تخينه رفيعه
4- هتحطى الزيت ع النار على حراره متوسطه
5- هتجيبى قطع الفراخ الصغيره تحطيها فى الدقيق لوحده وبعد كده تحطيها فى الدقيق والتوابل والبيضه زى كـــده
6- بعد كده على الزييييت على طول وتقلبيهم كويس وبراحه لحد مايكون لونهم دهبى هياخدو حوالى 3-4 دقايق كده
هتطلعيها بعد كده على منديل مطبخ علشان لو فيها زيت المنديل يمتصه
غمضــى عينك بقى وشوفى شكلها فى الاخــر بعد التزيين والحبشتكنات
ايــه رأيكــو بقى يافــتوكات انا عـايزة كـلو يجربها
سهــله اوى ومش مكلفه خـالص وطبعا تحطى جمبها كاتشب ومايونيز
وهيصــى بقى انتى والعيــال وابو العيال كمان بالمرة
***********************
انا أيدى ورمــت من الكتابه اللى هتدخل ومش هتقول رأيها وهتنسى التقييــم مش هيحصلها كويس
تجارب البنات
77 مواضيع هذا القسم برعاية
فسيوته فسيوته 618376_7.gif فتكات هايلة Fatakat 618376 المعادى – القاهره