ازيكم يا فتوكات النهارده انا عملت كشرى جميل جدا ودا بشهادة الجميع وبسم الله نبدأ
دى الاول صوره كده للتشويق ههههههههه
الاول نعمل البصل ونكتر الزيت بتاعه شويه لان الزيت دا هنستخدمه فى حاجات كتير ونشيله كده على جنب
احنا نقطع البصل جوانح
كده مش كبيره اوى ونسخن الزيت ونحط البصل فى الزيت ومنعليش النار اوى ولما يخلص نصفيه كويس
من الزيت ونشيله من الزيت وصورته اهى
وبعدين نجيب حله ونسخن فى ميا ولما تغلى ممكن نحط انواع المكرونه اللى احنا عايزينها انا حطيط من الصغيره
والاسباجتى بنكسرها طبعا ونقلبها من وقت للتانى عشان متلزقش فى الحله وناخد بالنا برده عشان المكرونه
متستويش اوى وتتهرى مننا احنا عايزين الواحده بواحدتها وبعد ما تستوى نصفى الميا بتاعتها ونغسلها تحت الحنفيه
بشوية ميا ساقعه عشان متلزقش فى بعضها وبعد ما صفيناها وغسلناها نرجعها الحله تانى ونحط عليها الزيت اللى كنا شايلينه على جنب فاكرينه نحط عليها شويه وشوية ملح وشوية فلفل ونقلبهم براحه ونغطى ونسيبهم الصوره اهى
والارز نعمله بالطريقه العاديه يعنى نقدح قطعة سمن وشوية زيت ونحمر فيهم الشعريه وبعدين ننزل بالميا بتاعتنا
والارز والملح ولما الارز يبدأ يستوى نحط على الارز شوية صغيرين برده من الزيت اللى كنا شيلناه فاكرينه هههههههه
الصوره ورينا
شكله يمى يمىىىى وطعمه جميل جمال
والعدس نكون منقيينه كويس وناقعينه كويس عشان مايخدش كتير فى التسويه
ونحط عليه ميا مش كتير ونتابعه ولما يحتاج نحطله ميا برده وبعد ما يقرب يخلص نحط الملح والفلفل الاسمر
والكمون وندخل على الصوره بعد ما استوى يلا
وعملت الصلصه بالخل والتوم
جيبت توم مدقوق وحطيت قطعة سمن بلدى فى الحله وحمرت التوم لما اخد اللون الذهبى
وبعدت الحله عن النار ونزت بشوية خل ياريت تبعدى وشك يا فتوكه لان الخل بيعمل ريحه ودخانه
فظيعه وبعدين نحط الطماطم بتاعتنا ومكعب مرقه بس للأسف ملحقتش اصوره الناس كنت مستنيه الاكل
ونسيت اصور ههههههههه
ندخل على الدقه بنجيب شوية توم نحطهم فى طاسه فيها زيت من بتاع البصل فاكرينه ههههههههههههه
ونحمر التوم بس مش اوى وبرده ننزل بالخل بتاعنا ونبعد الطاسه ونبعد وشنا وملح وفلفل وبهارات وكمون
وننزود ميا ونشوفها عايزه ملح ولا لاء ودى الصوره
وبعدين نحطها فى اى زجاجة كاتشب فاضيه
دقة الطماطم بالشطه
برده نجيب شوية زيت من بتاع البصل فاكرينه هههههههههه اكيد مش عايزين كده تفتكروه ههههههههه
ونحط فص توم ونشوحو كده وبرده ننزل بشوية خل صغننين وعليهم 4 او 5 ملاعق من صلصة الطماطم اللى
احنا عملينها وحط شطه حسب قوة التحمل انا بحط نص كيس الشطه عشان بيحبوه مولع ونسيبهم
ياخدوا غلوتين كده ونحطه فى برطمان صغير والصوره اهى
وبعدين نحط فى اللاطباق بتاعتنا انا بحط الارز بالشعريه الاول. وبعد كده ملعقة صلصه وبعدين احط
المكرونه واحط ملعقتين صلصه وبعدي احط العدس وبعدين احط الصلصه عشان الصلصه اللى فى النص
دى بتدى طعم جامد يا تكاتى يا حركاتى ههههههههه وبعدين احط البصل والدقه اللى انا عايزاها
الصورررررررررره صوره للصلصه اللى بتتحط بين كل طبقه
ودى الاشكال النهائيه للطبق على السفره
وبألف هنا لكل اللى هيعمل الطبق دا ويرد على الموضوع ويقييمه يارب يعنى
متدخلوش وتخرجوا ولا حتى تسيبوا دعوه حلوه والناس الحلويين مينسوش التقييم
يارب يعجبكم الاكل مواضيع هذا القسم برعاية
mero_sh mero_sh 326490_4.gif فتكات غالية قوي Fatakat 326490 الدقهليه – القاهره