اهلا بكل الفتوكات طبعا انا بقالى فترررررررره غايبه ومبنزلش اى حاجه بس الظاهر كده محدش اخد باله
يلا ماعلينا انا بحبكم كلكم اصلا فى الله انا بفضل ربنا عملت وجبه الكنتاكى والريزو فى البيت وكنت نزلتهم قبل كده والنهرده صورت الكرسبى استربس لانى كل مره كنت بعملها مكنتش بلحق اصور او اصور خطوه وعشره لا كده يعنى
ندخل بقا على صوره تصبيره اوتجويعه
المقـــــــــــــــــــــادير والطريقه :
صدور فراخ مقطعه شرائح طوليا
الخلطه بتاعتنا بقا
5معالق دقيق +بابريكا+شطه(اختيارى)+رشه زعتر +ميه بصل او (بصل بودر )+رشه بسيطه جدا توم بودر+2معلقه خل+ملح وفلفل+بيضه او بيضتين على حسبالكميه +م ك مسطرده+م ك كاتشب ونخلط ده كله
بنخلط كل المقادير ببعضها كويس هتعمل معانا عجينه سميكه نخففها بميه بس نخلى بالنا ان قوامها لازم يكون تقيل مش خفيف زى قوام الكيك كده
#ملحوظه
كميه الخلطه تقديريه يعنى على حسب كميه الفراخ اللى هتعمليها
ونحط فى الخلطه اللى عملناها الفراخ ونحطها فى التلاجه تتبل تقريبا 4 ساعات تقريبا علشان لنكهات كلها تتمتزج ببعض
مقادير الغلاف بتاعنا
بنجهز بقا الـ cover بتاع الفراخ
دقيق ونخلط عليه التوابل ملح وفلفل وبابريكا وتوم بودر وبصل بودر وبابريكا ونشـــــــــــا ونقلبهم كويس جدااا ونحطهم فى علبه (علب التلاجه مثلا)
تكايه بقا
النشا هنا وجودها علشان تخلى الغلاف كرسبى
وكميه النشا حوالى تلت كميه الدقيق
ناخد قطعه او اتنين من الفراخ ونحطها فى العلبه ونحرك العلبه يمين وشمال بحيث انها تغلف الفراخ ونشيلها من طرفها
هنا استخدمنا العلبه ليه هقولك ياستى
اولا عشان الفراخ تتغلف كويس ثانيا عشان نعمل القرمشه بتاعت الكرسبى لانك لو عملتيها بطريقه البانيه العاديه انك تعمليها بايدك كده بتهبطى الـ coverبتاع الفراخ فالبتالى مش بيعمل قرمشه وانتى بتقليها وبعد ماتغلفى الفراخ كويس تطلعيها براحه جداا وتحطيها فى الزيت علطوول ملحوظه مش تنفضى الدقيق اللى عليها
ومتحاوليش تغلفى كميه وتشيليها فى طبق على جنب لان الدقيق هيهبط ويتشرب ميه من الفراخ ومش هيعملك طبقه
اللى تعمليه تحطيه فى الزيت علطوول
وطبعا كالعاده نسخن زيت غزير ونحط الفراخ يدوب تبتدى يتكون شكل الغلاف زى الصوره كده نقلل النار للوسط عليها وبلاش نقلبها كتير غير لما نحس انها بدات تحمر وتقرمش عشانالـ cover مش يتعجن فى الطاسه
#ملحوظه لازم تنزل فى زيت ساخن جدا علشان لو نزلت فى زيت مش ساخن هتطرى معاكى والدقيق يعجن ومتخفيش هتستوى لانها شرائح مش سميكه وكمان الخل اللى فى التتبيله هيخليها تستوى اسرع
واللى يطلع من الطاسه نحطه فى مصفى الومنيوم
لان الكلينكس بيخليها تطرى
وده شكل الكرسبى استربس بجد ماشاء الله طعمممممممممممممه يجننن والصوص اللى عليه ده صوصو الريزو وده كنت منزله طريقته قبل كده
وده طبق للسكره اللى هتدعيلى دعوه حلوه بظهر الغيب لو عجبتكم الاكله مش عايزه منكم غير دعوه حلوه بظهر الغيب ان ربنا يقر عينى بما اتمنى ويبعد عنى وعن اهلى اى حزن وضرر وميشمتش فيا حد ابداااااا
واستنوووووووونى المره الجايه ان شاء الله هنزل طريقه المايونيز والتوميه فى خطــــــــــــــــــــــــوه واحده بس من غير بقا دوشه انزلى بخيط رفيع وافضلى اضربى والكلام ده خلاص انسيــه
فى رعايه الله يااحلى فتوكات مواضيع هذا القسم برعاية
angelsmile2311 angelsmile2311 963758_5.gif فتكات رائعة Fatakat 963758 my home – egypt