حبيباتي في الله عندي تجربه في راي انها مفيده فحبيت الافاده تعم طبعا كلنا معرضين ان اي فرد ف البيت يتعب بحاجه طارئه ومبنكنش عارفين نتصرف طبعا خصوصا اللي معاها اطفال فانا جاتلي فكرة اني اعمل كراسه الاسعافات الاوليه علي نمط صندوق الاسعافات الاوليه اللي كان عندنا ف المدرسه زمان وعمرنا ما استعملناه
فكرة الكراسه باختصار اني كاتبه في اول صفحه كل ارقام الصيدليات اللي في المنطقه عندي وخصوصا اللي فيها خدمه ليليه وتوصيل لان الاطفال مش عارفه الصراحه السبب بس مبيتعبوش غير الفجر………..المهم ف الصفحات اللي بعد كده كاتبه كل عرض والادويه اللي ممكن نسعف بيها لحين استشاره الطبيب يعني مثلا السخونيه………الاسهال………الامساك………. القيء………..الصداع………وجع الاذن………..ضيق التنفس وهكذا
وبقسم الصفحه لنصين نص للادويه اللي تنفع للاطفال والنص التاني ادويه للكبار وكمان بكتب مع كل عرض لو في مشروب معين او اسعاف غير الادويه او اعشاب اكون سمعت عنها تنفع للحكايه ده الصراحه بيسهل علي كتير التعامل مع الحالات الطارئه لان الواحد بيكون قلقان مش عارف يتصرف خصوصا لو اللي تعبان طفل
ربنا بيشفينا ويعافينا دايما احنا وكل المسلمين………..ابقو فتكروني من صالح دعائكم
[/font][/size][/color][/b][/i][/right]
ام سدرة وسنا ام سدرة وسنا 554746_1.gif فتكات متميزة Fatakat 554746 الجيزة – مصر