السلام عليكم ورحمة الله وبركاته انا اختكم صحى ومفيد بس النهاردة مكسوفة منكم لان وصفة النهاردة لحم ضانى بس والله عاملاه باخف طريقة ممكنة هو ده مبداى فى الاكل الصحى اكل كل حاجة بس اقلبها صحى ومفيد ويبقى اسلوب حياة مش ريجيم المقادير كتف ضانى ارز بسمتى مكسرات مشكلة مقطعة كبير بصلة ملح فلفلزعتر بهار جوزة الطيب خل معلقتين زيت الطريقة اول حاجة نبدا بالرز بالنسبة للبسمتى لازم يتنقع على الاقل ساعتين بس انا باحب انقعه من بالليل علشان ينزل كل النشا اللى فيه وتانى يوم اغسله واحط عليه التوابل ملح فلفل وزعتر وجوزة الطيب ومعلقة زيت والمية الكمية المناسبة وعلى الحلة على النار علطول ولما المية تغلى توطى النار لغاية السوى عادى ممكن نعمل نفس الطريقة بالرز العادى وبرضه بيطلع حلو المكسرات نقطعها كبير ونص معلقة زيت وسنة ملح وفلفل ونحمصها فيها ونسيبها نيجى بقى للمهم اللى زمانكو بتشتمونى علشان انجز واقول وصفة الكتف الضانى حاضر اول حاجة تتغسل كويس وبعدين نقطع البصلة شرايح عليها ونقطتين خل بيساعد فى تطرية انسجة اللحمة وده بيساعد فى التسوية وملح وفلفل وزعتر وبهار وجوزة الطيب ويفضل ننقعها فى التتبيلة من بالليل او على الاقل ساعتين نسخن معلقتين زيت على النار فى الصينية اللى هندخلها بيها الفرن ونشوح فيهم الكتف علشان ياخد لون حلو على الوشين بس خلى بالك شيلى البصل بتاع التتبيلة علشان ما يتحرقش لما يوصل الوشين للون الدهبى الجميل ده نحط فوق اللحمة البصل تانى ومية لحد نص الصينية ونغطى الصينية بفويل او غطا محكم لو مش بتحبى الفويل براحتكوندخلها الفرن بتاخد حوالى ساعة متغطية ولما تستوى تشيلى الغطا وتدخليها الفرن تانى تنشف ميتها وتتحمر كويس وتقدميها لعيلتك وباله هنا وشفا وده بروفيل تانى للتجويع على الصبح ههههههههههههه التقييم يا حلوات مواضيع هذا القسم برعاية همسة بس دوشة همسة بس دوشة 467531_12.gif فتكات غالية قوي Fatakat 467531 بورسعيد – مصر
