كان نفسى فيها من زمان واول ما عرفت الطريقة قلت لازم انتوا كمان تعرفوها عشان الفايدة تعم علينا كلنا اليكم المقادير:-
3 كوب ارز بسمتى
كيلو من الفراخ او اكتر مقطعة لثمن قطع
6 ملاعق كبيرة سمن او زيت
3 بصلات كبار مقطعين لشرايح رقيقة
3 طمطمات كبار مفرومين
ربع كوب معجون طماطم
2 حبة لومى مجفف من عند العطار
من6-8 فصوص هيل صحيح
2 عود قرفة
4 فصوص قرنفل
2 ورق غار
من 4-6فصوص فلفل اسود صحيح يعنى قبل ما تطحنيه
ملح
2 ملعقة صغيرة بهارات كبسة من عند اى عطار
الطريقة:-اغسلى الرز وانقعيه فى ميه دافية لمدة 40 دقيقة,هاتى حلة وحطى فيها السمنة او الزيت وحطيها على النار وبعد ما تسخن السمن او الزيت حطى البصل وشوحيه لحد ما يبقى لونه زهبى شيلى البصل من على النار وسيبيه على حنب وشيلى نص كمية البصل للتزيين بعد كده ,ضيفى الدجاج المقطع للحلة اللى انتى شوحتى فيها البصل لحد ما يبقى لونها زهبى بردو ضيفى على الفراخ البصل المتشوح والطماطم المفرومة ومعجون الطماطم وحطى اربع كوبايات ميه واللومىوالهيل والقرفة والقرنفل وغطى الحلة وسيبيها تتستوى براحتها وده لمدة 40 دقيقة بعد كده ضيفى بهارات الكبسة للدجاج وقلبها كويس ,صفى الرز كويس وضيفيه للفراخ وقلبي كويس ضيفى الشوربة ولازم تكون الشوربة اعلى من الرز بحوالى 1 سم لو مفيش شوربة حطى مية مغلية غطي الحلة وسيبيها على نار قوية لحد ما الرز يشرب الميه وبعد ما الرز يتشرب الميه هدى النار عليه وسيبيه يستوى براحته ,وبعدين اغرفى الكبسة فى طبق التقديم وزينيها بالبصل المحمر او حطى على الوش مكسرات وزبيب وبالهنا والشفا مواضيع هذا القسم برعاية
بطة ايهاب بطة ايهاب 410623_1.gif فتكات متميزة Fatakat 410623 الهرم ان شاء الله – مصر
سبحان الله و بحمده