بـســـــــــــــــــــــــم الله الرحمـــــــــــــــــن الرحيــــــــــــــــــــــــــــم
ازيكم يافتوكات ياقمرات ياسكرات ,عاملين ايه ,
باذن الله حبيباتى هنشوف مع بعض طريقتين للكبدة اللذيذة , بطريقتين سهلين جدااااااااااااااااااااااااا وخصوصا لو فى رمضان اللى جاى فى الحر (يــــــــــــــارب بلغنا رمضان لا فاقدين ولا مفقودين ) وهما كمان طريقيتن خفاف جدا يعنى هنشوف مع بعض وباذن الله تعجبكن حبيباتى
بس خلينا نتفق الاول اللى هقفشها تتدخل من غير ترد ولا تقييم , هخليها تيجى تروق معايا المطبخ ,بصوا بقى وما ادراكوا يعنى ترويق المطبخ عااااااااااااااااااااااااااااااااااااا
فكده من الاول نقييم ونبقى شاطرين و طبعا طبعا مش هوصيكوا بالدعاء ليا ربنا يسهلها ويوسعها عليا و الله دعواتكم اسعدتنى كتير وطبعا لكى مثلها باذن الله
يلا ببنا بقى عشان انا قاعدة لوحدى وممكن ارغى من هنا لبكرة الصبح فراغ بقى ومافيش غيركم ههههههههههههههههههههههههههه
دى الكبدة الاسكندرانى
ودى الكبدة البانية
ويلا بينا مع بعض ندخل المطبخ ونقول بســـــــــــــــــــــــم الله
الكبـــــــــــــــدة البــــــــــــــــــــانية
كبدة مقطعة شرايح
فلفل اخضر
ملح – فلفل اسمر – بهارات – شطة
عصير ليمون (حوالى عصير ليمونة صغيرة او نصف ليمونة كبيرة)
رشة زيت زيتون
بتبلها واسيبها حوالى 4 ساعات فى التلاجة او يفضل ليلة كاملة
بحضر البيض والبقسماط
بنزل الكبدة فى البيض وبعدين البقسماط واسيبها كمان ساعة فى التلاجة
بعد كده بحمرها فى زيت غزير يكون سخن جدا ولما انزل بالكبدة اهدى النار خالص عليه الى تمام النضج (حلوة الى تمام النضج دى )
يعنى لحد ماتاخد لون حلو كده واتاكد انها استوت من جوة
ويقدم بالهنا
ثانيا الكبـــــــــــــــــدة الاسكندرانى
كبدة مقطعة مكعبات صغيرة
توم
فلفل اخضر
ملح – فلفل اسمر – بهارات – شطة – اقل من ربع معلقة صغيرة من(كارى -زعتر)
عصير ليمون (حوالى عصير ليمونة صغيرة او نصف ليمونة كبيرة)
رشة زيت زيتون
اقل من ربع معلقة صغيرة صويا صوص (ممكن الاستغناء عنها خالص)
مياه بصل – بشر طماطم
بتبلها واسيبها اقل حاجة 4 ساعات فى التلاجة او ليلة كاملة يفضل طبعا
بجيب طاسة كبيرة واسخنها جامد وانزل فيها ببصل مقطع شرايح
بعد مالبصل يدبل فقط انزل بالكبدة بالتتبيلة بتاعتها والمياه اللى فيها اقلب لحد ماتشرب كل السوايل بتاعتها وبعدين اشوف
لو استوت خلاص كده تمام ,لو لسه بزود شقشاق مياه (كمية صغيرة من المياه ) لحد ماتستوى واظبط الملح
ممكن ازود فلفل الوان وبقدونس وكزبرة خضرا واقلب تقلبتن معاها واطفى النار
وتقدم بالهنا
بس كده ياسكرات انا خلصت وبجد هزعل من اللى هتخرج من غير تقييم وتتدعيلى وهخليها تيجى تروق المطبخ ومش عايزة ازيد العقاب يعنى وفخدى التقييم فايديك الحلووين
وبجد الوصفات دى سهله وتنفع فى فطار رمضان وخصوصا فى الحر لانها اكلات سهله وخفيفة مش تقيلة فى عمايلها حتى واتمنى اكون افدتكم ويارب ماتنسوش تتدعولى حتى فى سركم ولكم مثلها باذن الله
احبكـــــــــــــــــــــــــــن فى الله
مواضيع هذا القسم برعاية
nonosmontaser nonosmontaser 97277_16.gif هونها يااااااااااااارب 🙂 Fatakat 97277 🙂 – بلاد الله الواسعة