السلام عليكم ورحمة الله وبركاتة
النهاردة هاوصفلكم طريقة لعمل كباب حلة بس للفوتوكات اللي عندهم نحافة ومش بيعملوا رجيم ههههههههههههه
لانها دسمة شويه لا شويتين
المهم المقادير
كيلو لحمة احمر ياريت بتلو مقطعة مكعبات صغيرة
اربع بصلات متوسطة الحجم
فصين ثوم مفري
فلفل اخضر
مكعب مرقة دجاج (حسب الطلب)
ثلاث معالق كبيرة زبدة او زيت ذرة
ثمرة طماطم واحدة مبشورة
الطريقة
نبشر البصل ثم نقوم بتحميرة مع كمية الزيت او الزبدة لغاية ما البصلة تدبل مش تتحمر جامد
بعدين نضيف الثوم والفلفل الاخضر ومكعب مرقة الدجاج
شوية كدة يتحمروا مع بعض وبعدين نضيف اللحم ونقلب على النار كدة عالناشف لغاية ما اللحمة تدبل وبعدين نضيف الملح والبهارات حسب الطلب ونغطي الحلة ونخليها على نار هادية
مع مراعاة اننا دايما نكشف الحلة ونقلب اللحمة واوعي تتحرق منك
وبعد كدة نكون بشرين حبة طماطم واحدة ونحطها على الخليط ونقلب ونغطي الحلة
اذا لقيتي اللحمة لسة مستوتش وقربت تنشف حطي قليل من الماء المغلي لغاية اللحمة ما تستوي
وبعدين تقدم ساخنة وبالف هنا وشفا مواضيع هذا القسم برعاية
جنات الفل جنات الفل ممنوعة من المشاركة Fatakat 187797 الصعيد – مصؤ
سبحان الله و بحمده