صباح الخير عليكم جميعا اخواتى الفتوكات كلنا طبعا ابنائنا فى مدارس وكل طفل المدرسة بتسلمه كارنيه تأ مين صحى من وهو فى كى جى 1 طبعا كلنا مش بنهتم بوجود الكارنيه دهه ومعظمنا بيرميه ومش عارف لازمته ايه تعالى ااقولك ايه لازمته 1_ اول حاجة لو رحتى تعملى اى تحاليل فى اى معمل وليكن المخختبر او البرج وقدمتى الكارنيه ده تاخدى خصم 50% 2_ لو لا قدر الله ابنك بياخد علاج شهرى لاى مرض مزمن بتاخدى تحويل من المدرسة لاحدى عيادات التأمين الصحى المحددة من قبل المدرسة وبتاخدى العلاج ده شهرى ومجانااااااااااااااااا 3_ لو لا قدر الله الطفل محتاج لاشعة غالية زى الرنين المغناطيسى مثلا بتعملها مجاناااااااااااااااا 4_ اى عمليات جراححية او كسور او غيره ربنا يعافى ابنائنا برضه مجانا طيب واللى ابنائها مش فى عمر المدرسة تعمل ايه؟ حتى لو الطفل عمر يوم تقدرى بالبطاقة الصحية اللى هى لونها ازرق للولد وبملى للبنت عن طريق الوحدة الصحية التابعة لمحل اقامتك استخراج كارنيه تأمين صحى تقدرى به تعملى كل اللى قلت عليه فى الاول واللى لها اى استفسار تسالنى وانا هجاوب على قدر معلوماتى والله المستعان
ايمان المنزلاوى ايمان المنزلاوى images/avatars/whiteflower.jpg فتكات متميزة Fatakat 147801 الجيزة – مصر
سبحان الله و بحمده