طبعا النهاردة الدنيا سقعة وكلنا عاوزين نشرب شوربة وناكل حاجة تدفى بطننا وحبيت النهاردة اعمل قلقاس خطوة خطوة
عشن البنات والعرايس الى لسة مجوزين تدعوا لطنط بريانى وكمان جوزى قالى اعملى قلقاس ورز وفراخ وبعد ما بناكل القلقاس
ونشرب الشوربة وناكل الفراخ المحمرة حنحس بصاروخ نار ضرب فى ودانا وجسمنا وهوة دة المطلووووووووووووووووووووب يلا بينا
الكمية دى تنفع للى لسة متجوزين يعنى فردين او تلاتة بالكتير اوى
المكونات
عدد 2 قلقاسة متوسطة الحجم
سلق اخضر
كسبرة خضرا
توم
زبدة
شوربة فراخ
الارز
2 كوب ارز
زيت
شعرية
مرقة
ودى الصور
الطريقة
نجيب القلقاس ونغسلو حلو اوى لحد ما المادة اللزجة دى ترررررررررررررروح خالص
نحط القلقاس فى حلة ونصب علية الشوربة المغلية وياخد غلوتين
نكون محضرين السلق وغسلينو ونسلقوا على النار وبعد كدة نضربوا فى الخلاط
(للناس الجداد فى الطبخ السلق بناخد الورق بتاعو بس هوة الى بنسلقو)
وكمان نكون غسلين الكسبرة الخضرة وحطين عليها 5 فصوص توم وفرمينهم فى الكبة ونسيبهم على جمب
اول ما القلقاس ياخد غلوتين نحط عليه السلق المضروب ومعلقة كسبرة وتوم مفرومين
ونسيبو لحد ما يخش فى السوا نبتدى نحضر الكسبرة والتوم ازااااااااااااااااى ؟؟؟
نحطهم فى طاسة ونحد معلقتين زبدة او سمن زى متحبى لحد ما التوم يبقى دهبى اللون ونحطو على القلقاس
لحد ما يستوى ويبقى زى الزبدة
نعمل الرز بالشعرية
نحط الزيت او السمن ونمر الشعيرية لحد ما يبقى لونها دهبى غامق وننزل بالرز بعد ما نكون غسلناه وصفيناه كويس
ونسيبو شويه على النار نحضر كوباية ونص مرقة ووحدة دجاج ماجى مدوبة فى المرقة ونصبها على الرز ونوطى النار ونحط الشياطة
ولو عاوزين الرز مفرفر وحلو نحط ورقة سيلفر تحت الغطا
ونكون نشلنا الفراخ من الشوربة وصفيناها وحمرناها كمان
ونكمل شوية صور
يلا بأة حنغرف لاجوازنا عشن يقولوا علينا شطرين ولوين وبنعمل اكل يفتح النفس
مواضيع هذا القسم برعاية
بريانى بريانى 284620_3.gif فتكات رائعة Fatakat 284620 فى مملكتى الصغيرة – فى دولتى