السلام عليكم ورحمة الله وبركاته
ازايكم يا اجمل فتوكات عاملين ايه يارب تكونوا كلكم كويسين فى احسن حال يااارب
انا زعلانه جدااا لانى بقالى فتره طويله بعيده عن فتكات حوالى اربع شهور كده
بس الحمد لله انا رجعت اهو فى حال احسن
انا كنت عايزه اقولكم قصتى مع النزيف علشان مفيش واحده تترعب زايي وتعرفوا الموضوع
انا الحمد لله اتجوزت فى شهر 9 اللى فات وحصل حمل تانى شهر الحمد لله
وكان الحمل طبيعى وكويس ومفيش اى مشكله وكنت طبيعيه خااالص بس شهور الوحم انتوا عارفين بقى
الترجيع والدوخه والذى منه بس الحمد لله اول 3 شهور عدوا على خير
وفى اول الشهر الرابع روحت للدكتور اللى كنت متابعه معاه وقولتله انى عايزه اسافر اسكندريه عند مامتى
قالى مفيش مشكله سافرىانتى حالتك مستقره وكله تمام
المهم سافرت وقعدت عند ماما اسبوع واخر يوم بليل لميت الشنطه وقولت انا مسافره الصبح
المهم صحيت اصلى الفجر لاقيت السرير اللى انا نايمه عليه نصه تقريبا غرقان دم
وانا كمان غرقانه دم بشكل فظييييع ودم قطع كمان مش سائل بس
طبعا انا شفت المنظر دا قولت انه اجهاد واغمن عليه ووقعت فى الارض
وماما صحيت على صراخى وبعدها اغمن عليه على طول
وشالونى على السرير وفوقونى وطبعا كنا الفجر
المهم كل دا وانا مفييش اى الم ولا اى وجع نهائى ولا فى اى حاجه
ولا صداع حتى ولا اى حاجه
المهم اتصلت بالدكتور اللى متابعه معاه قالى فى وغص قولتله لأ الص قالى نامى على ضهرك ساعه
وروحى لاقرب مركز اعملى سونار
المهم بعد ساعه روحت لمركز جانب بيت ماما وطبعا صحيت الدكتوره اللى فيه من النوم
وكنت ميته من الرعب واقول لماما هدخل عمليات وهعمل علميه تنضيف بقى
واعصابى كلها سابت وزعل طبعا واتصلت بجوزى صحيته من النوم مفزوع قولتله ان الجنين سقط ولازم تجيلى
قبل ما ادخل العمليات وبابا وماما بيعيطوا على شكلى
انا عايزه اقولكم انى من النوع اللى بيترعب جدااااااا ومش بحب منظر الدم وكنت لما اخد ابره مصر كلها تعرف انى
ادت ابره من خوفى
المهم الدكتوره وصلت بعد طول انتظار وانا عماله ادعى ان اليوم دا يعدى باى شكل بقى
اول حاجه حطتنى على السونار واول كلمه قالتهالى
ما هو حملك زاى الفل اهو وعمال يتنطط جوه وشكله ولد شقى خااالص
طبعا مصدقتش نفسى من الفرحه وقعدت احمد ربنا وانا بعيط من فرحتى ان حملى لسه بخير
قالتلى سبب الزنيف ان المشيمه ساقطه جدااا ووصلت لعنق الرحم كمان علشان كده عملت نزيف جامد
وان حملى فى خطر وربنا يعديها على خير لان النزيف ممكن يتكرر تانى وتالت ولو اتكرر يبقى هيؤدى لاجهاض
المهم قالتلى راحه تامه فى السرير حتى الحمام بلاش احسن
وكتبتلى علاج يوقف النزيف ومقويات وكده علشان النزيف
المهم عشت ايام من الرعب وكل يوم ادعى ربنا والنزيف لسه شغال
يعنى كل شويه الاقى شوية دم كده اعيط وادعى ربنا
روحتلها كمان 15 يوم علشان اطمن قالتلى الجنين الحمد لله كويس بس المشيمه لسه مكانها
والحركه غلط وقالتلى متجييش الا كمان شهر علشان متتحركيش كتير
المهم الحمد لله النزيف وقف وروحت كمان شهر كانت لسه مكانها برضه
وفضلت كده لمدة 3 شهور طبعا كنت عند ماما مش عارفه اروح بيتى
وجوزى ياعينى منعذب وبيجيلى كل اسبوع
لحد ما بطنى كبرت فى السادس والرحم شد فاد المشيمه معاه ورفعها فوق
والحمد لله انا دلوقتى جيت بيتى من يومين بس
وقالتلى برضه الراحه على قاد ما أقدر علشان ترجع وضعها الطبيعى
وانا الحمد لله دلوقتى حالتى احسن بكتير وانا فى اول السابع دلوقتى
وحامل فى ولد الحمد لله وادعولى بولاده ساهله
اهم حاجه استفدتها من الموضوع دا ايه
ان قلبى جمد شويه طبعا وابتديت اتعود على الحاجات دى لاننا حياتها كلها حمل وولاده وحاجات زاى كده
وان كمان كنت اول 3 شهور مرعوبه من الحمل دلوقتى الرعب قل شويه الحمد لله بعد الخضه اللى اخدتها طبعا
وكمان انا كنت مستهتره شويه دلوقتى بقيت بحافظ على نفسى وجنينى
والدكتوره قالتلى ان سقوط المشيمه دا ولا له سبب ولا له علاج غير الراحه
والحمد لله وادعولى ربنا يكملى على خير واولد ولاده ميسره طبيعى او قيصرى اهم حاجه ولاده ساهله يااااااااارب
واللى عايزه تعرف اى حاجه عن الموضوع دا يسألنى انا بقيت خبره
واسفه طولت عليكم بس حبيت تستفيدوا علشان لا قدر الله اى واحده حصلها كده تكون متطمنه متتخضش زايي
بلاك بيرى بلاك بيرى 252049_2.gif فتكات رائعة Fatakat 252049 فى قلب جوزى – وحبيبى ربنا يحفظه لي