بسم الله الرحمن الرحيم
وبه نستعين والله الموفق والمعين ازيكم يا فتوكات وحشتوني جدا
اولا بعد فضل ربنا عليه وعطائه ليه الي لا ينتهي انا الحمد لله لا قوه الا بالله حجزت القاعه بتاعت فرحي امبارح عشان فرحي في شهر 11 انا لفيت كتير جدا وشفت قاعات كتير جدا وعرفت اسعار قاعات كتير طيب وبعدين مش لازم زي ما استفت افيد
فعلا اولا انا شوفت في الموقع هنا اسعار قاعات بنات حطينهم استحاله اني احط فلوس بالطريقه دي في قاعه وعشان في بنات كتير زي انا هقلوكوا القاعات الي شوفتها والي هي مش غاليه عشان اي عروسه عايزه قاعه حلوه وفي نفس الوقت مش غاليه هتلاقي باذن الله طلبها عندي
رغي كتير صح معلش اصلي فرحانه
بصوا اولا انا من اسكندريه يعني القاعات هتكون في اسكندريه بسم الله نبدا
في منطقه اسماها عبد الوهاب موجوده في نهايه شارع القاهره في هناك منطقه كده تشبه منطقه الداون تاون فيها 8 قاعات وكل قاعه متجهزه باسلوب جميل وشكل حلو ومفيش قاعه بتزيد عن 4000 جنيه وفي اقل من 4000 والي عايز العنوان بظبط يرسلني خاص في الداون تاون في قاعه اسماها لجوي 2 دي فيها كوشه بتلف بالعريس والعروسه وقت التورته وقاعه واسعه جدا وجميله ب 4000 وفيها كلام ممكن تقل بس لجوي 2 مش لجوي 1 عشان لجوي 1 ب 10000 تعالوا نروح لمحطه الرمل في قاعه جمب كنتاكي مباشرتا دي ب 3100 قاعه واسعه جدا وفيها شاشه عرض كبيره والبروجرام بتاعها جامد جدا تعالوا بقي للقاعه الي انا حجزتاها والي انا عارفه ان معظمك مش هيصدق العرض والمبلغ الي دفعته العرض كالاتي زفه سمر بورسعيدي دي جي فيديو مكسر كامل 3 ساعات سي دي +شريط فيديو فلاشر دخان ليزر لايت موفينج هد مع العرض استديو دهب او غزال مع العرض خصم خمسين في الميه علي كوافير تبع القاعه قبل الفرح بيوم بتروحي المنتزه وتتصوري فيديو كليب وبينزل قبل في القاعه صوره توقيعات خاصه بالعروسين 4 شاشات عرض 2 بلازما 2 بروجيكتور كروت دعوه وهديه القاعه عشاء خاص للعروسين بمطعم طل الهوي ميراج الداون تاون ايوه هو ده العرض هتقلولي اكيد تمنها يزيد عن 10000 عرفين ثمنها كام 4000 وكمان انا نزلتاها لغايت 3500 والله العظيم ده غير ان شكلاها ممش ممكن والتورته بتنزل بيكي من دور فوق لغايت القاعه انا لغايت دلوقتي مش مصدقه اني الحمد لله حجزتاها القاعه دي اسماها جراند جوماانا وموجوده في محطه الرمل داخل ملاهي السندباد ويارب اكون افتكم ولو الموضع عجبكم متنسوش التقيم السلام عليكم ورحمه الله وبركاته اللهم صلي علي سيدنا محمد
حبيبه جوزها وابنها حبيبه جوزها وابنها 527986_8.gif فتكات ست الكل Fatakat 527986 الجيزه – مصر ام الدنيا
سبحان الله و بحمده