اولا السلام عليكم
بصو يبنات انا محتاجة معلومات عن نوع الفيرس دة للكبد عند بنت سلفى زى بنتى تمام والله والموضوع دة تعب كل اللى بالبيت البنت خمس سنين والموضوع بدا بترجيع جامد عندها وروحنا كشفنا قالنا نزلاة معوية شديدة والدكتور مش عرفة المهم روحنا لدكتور تانى واكتشف المرض دة وعمل تحاليل وكدة المهم ان البنت كانت الصفرا ظهرت عليها وعلى طول همدانة وترجيع اول اسبوع تقريبا معا العلاج وبقى يعمل تحليل كل اسبوع النسبة حق ربنا نزلت بس الموضوع طولت قرارنا اننا نعرضها على دكتور جهاز هضمى وكبد قال ان الدكتور بتاع الاطفال مشى 70%من العلاج وزود الجرعة شوية علشان المدة كبرت ومنعها من زيت الدرة كمان البنت بردو الحق يتقال ان بعد ماكانت مانعة الاكل بقت تاكل شوية ومامتها محافظة برضو ومش بتخرج من الشقة الا قليل جدا بس المشكلة بقى ان اول امبارح الدكتور عمل التحاليل تانى لقينا النسبة زادت الضعف بعد مانزل 40 وهو كان فوق 200 اول امبارح بقى 89 طيب ازاى والبنت بتاكل عن الاول ومنعو زيت الدرة ومعا العلاج الزيادة والدكتور كويس بصراحة والنهاردة جوزى بيسال لقى ان الموضوع منتشر اوى معقولة انا مش متخيلة انتشارة بالطريقة دى بس انا محتاجة معلومات منكم لو حد حصل معاه كدة والمدة كانت اد اية وكانت النسبة بتزيد بعد ماتقل كدة ولا كدة محتاجة دكتور كويس ولو حد يعرف دكتور متجرب كويس يقول على مكانه ولوة امكان عنوانة وتليفونة
الله يباركلكم عاوزة تقيم علشان يثبت واقدر استفاد بمعلومات اكبر
وربنا يجازيكم خير الدعوة بالشفاء
نوتى_2017 نوتى_2017 680634_3.gif ممنوعة من المشاركة Fatakat 680634 شبرا الخيمة – القاهرة