السلام عليكم ورحمه الله وبركاته
ازيكم يا فتوكات
انا فى اول السابع والحمد لله ومن الشهر السادس بيجيلى تحجير بس مهتمش بيه ومقولتش على الدكتور عليه فى اول زياره ليا فى السابع
المهم بعد الكشف بتلات ايام ضهرى وجعنى جداااااااااا انا طبيعى بيوجعنى من اول الحمل وقريت هنا انه عادى واطمنت
بس الوجع ده قلقنى وتانى يوم رحت على الدكتور علطول وكشفت فى الطوارء قالتلى ايه بقى
التحجير لو مره فى اليوم عادى يعنى لو اكتر من كده خلال ساعات قليله لازم تقلقى وكتبتلى على مثبت
المثبت الحمد لله فرق معايا كتير ووجع ضهرى خف وده معاناه انه مكنش طبيعى عشان الحمل والشهور الاخيره لازم تاخدو بالكم قوى من كده بين الوجع فى الضهر كله وبين الوجع من تحت فى الضهر زى الدق او الخبط ومش بيروح مع تغير الوضع نايمه قاعده
المهم بعديها بتلات ايام بالظبط جاتلى ماما وحماتى ووقفت فى المطبخ كتييييييييير ووجع ضهرى اشتغل والتحجير حصلى تلات مرات من 6 الصبح للساعه 3 من غير اى مغص نهائى
ماما قلقت وكلمنا الدكتور قالى على الطوارئ عدل رحت هناك الدكتور عملت سونار قالتلى كل شى تمام والحمد لله
قولتلها اكشفى عليا نسا من تحت عشان نشوف عنق الرحم قالتلى حاجه مهما " هو فى ميه او دم قولتلها لا قالتلى يبقى اكشف ليه لا طبعا انا استنتجت انه لو قافل ممكن من الكشف لا قدر الله يفتح
وقالتلى انتى لازم تتحطى تحت الملاحظه 24 ساعه خصوصا انك فى السابع انا قلقت قوى خصوصا فى المستشفى خدوا منى الفلوس على انها ولاده بس انا رفضت واكدت انى تحت الملاحظه 🙂
المهم طلعت الاوضه حطونى على جهاز بيسمع دقات قلب البيبى وعلقولى محلول فيه حقنتين تيوبار وده بيخفف من حده انقباضات الرحم وحقنه مثبته
وانا صممت على حقنه الرئه وقولتاها عايزاها هى فى المره اللى فاتت قالتلى دى بدرى بس المره دى انا صممت
وفعلا اخدتها تلات حقن كل 20 ساعه
المهم المحلول فضل شغال طول الليل على يوتوبار دى وبليل حسيت بتحجير جامد ولما قمت لقيت المحلول واقف يعنى الحقنه دى والحمد لله بتعمل مفعول وكانوا كل شويه يتاكدوا ان الحقنه مش بتزود ضربات قلبى لان دى اهم اعرضها
المهم لما جه الصبح قولتلهم على الحوار ده واخدت الحقنه التانيه من الرئه وجع ضهرى كان لسه مستمر
المحلول خلص
جه كذا حد كشف على بطنى بايده عادى عشان يشوف التحجير لقى الوضع احسن
بس قالولى هنقدك تانى انا مرضتش بصراحه خصوصا انهم مش هيعلقوا محاليل هاخد الدوا عادى كانى فى البيت قولتلهم انى هروح وهريح وهاخد الدوا فى مواعيده ولو حصل حاجه هاجى تانى علطول
وفعلا كتبولى على خروج
الادويه اللى اتكتبلى
باقى حقن الرئه
متبت برونتوجست لبوس
مثبت دوفاستون
وبرشام يوتيوبار
وادينى روحت اخدت الادويه فى الاول بصراحه حسيت بالتحجير كذا مره +بس من غير مغص برضه
ونمت ساعه وصحيت اهو وجع ضهرى راح التحجير مفيش
انا بفى احترت هو التحجير ده مقلق قوى كده طب ازاى مع انى قريت كتيرررررررررر ان فى بنات من الشهر الرابع والخامس بيحصلهم وعادى بتكمل للتاسع ما شاء الله
فدخلت دورت فى النت لقيت ان فى نوعين من التحجير نوع بيكون طلق بارد والنوع التانى انقباضات عاديه مع الحمل
ولقيت فروق بينهم بس برضه انا مش قادر احدد انا مين فيهمممممم!!!!!!!!!ياريت تفيدونى انتو
المهم الخلاصه من ده كله متستهونيش باى تحجير فى بطنوكوخصوصا لو مع وجع فى الضهر او مغص وروحوا اكشفوا طوالى عشان تلحقوا نفسكوا وتاخدو الادويه المناسبه
واخير ادعولى اعدى السابع والتامن دول على خيرررررر واولد طفل سليم معافى انا وكل الحوامل يارب
فوبيا فوبيا 160403_1.gif فتكات رائعة Fatakat 160403 القاهره – مصر