النهاردة جيبالكم سر الفول المدمس
هدية لسحور رمضان
لاننا منستغناش عنه فى السحور
اشمعنى الفول
لانه بياخد وقت على ما يتهضم
فمش بنجوع بسرعة
انا كنت بعمل الفول واحطله حاجا ت كتير
وكل ما اسمع طريقة اعملها
ومكنش بيطلع حلو زى بتاع برة
اولا اللون مش احمر وفاتح زى برة وكمان بيكون مش طرى قووووووى
ومزبد زى بتاع برة
ففى يوم من الايام رحت عند حماتى
وكانت عاملة فول مدمس
انما اية احلى من بتاع برة
فانتهزت الفرصة وسألتها
انتى بتحطى للفول اية علشان يبقا لذيذ كدة
قالتلى الســـــــــــــــــــــــــــــــــــــــــــــــ ــــــــر
حاجة بسيط موجودة فى كل بيت
شوية رز
اه والله شوية رز
وعملته
كيلو فول
معلقتين رز
شوية فلفل ارنأوطى لو موجود
مفيش بلاش
وخلاص وحطيهم على النار
وكلى احلى فووول
وكمان بعد ما يستوى بلاش تسبيه كدة لانه هيسود من فوق حطى شوية مية غطى بيها الفول
وبكدة هيفضل احمر ومزبد
ومن يومها وانا باكل فول بيتى
وكل اللى ياكله عندى يعجبه
يارب يعجبكم
وفى النهاية كلمة اخيرة
لاحلى صحبه
بحبكم فى الله
كنت هنسى
عايزة رد حلو كدة يرفع معنوياتى
وكمان
تقييم فرحونى شوية
ويلا بقا صوابعى وجعتنى سلام يا احلى فتوكات
مواضيع هذا القسم برعاية
ام ملك واحمد ومريم ام ملك واحمد ومريم 215666_4.gif فتكات ست الكل Fatakat 215666 سوهاج – مصر