السلام عليكم ورحمة الله وبركاته
يا فتوكات عندي مشكلة
وهي فوبيا من الخروج للشارع بالذات لما يكون مشوار بعيد زي الجامعه
مش بروح الا كل اسبوعين مثلا اجيب الملازم عشان اذاكر منها
وطبعا ده اثر عليا جامد اوي مش بفهم الحاجة لوحدي بسهولة ولازم المحاضرات
قبل مخرج من باب البيت قلق قلق قلق يعني بحس قلبي بيلخبط وبيسرع وان في خوف جوايا
مش خوف من اني اموت او كده لا خوف من الشارع من ان ممكن يحصلي حاجة او اتخطف وفيه طرق كتير اوي للخطف
واحساس قوي اني لا مش عايزة اروح وخليني وقت تاني
سعات بطنش الاحساس ده وبضغط على نفسي
بس برضو مش بقدر اوصل اني انتظم بالحضور
وده هيضيعني يا فتوكااااات بجد بجيب درجات زبالة اوي
والبلد عمالة تتبهدل اكتر طب ازاي اقوي نفسي
انا عارفة ان المفروض نبقى واثقين في ربنا وكده وانه هيحفظنا ويحمينا ان شاء الله مش كل شر
بس بقول طب مهو ممكن ربنا يبتليني بان حاجة تحصلي
حاولت كذا مرة اضغط على نفسي على اساس ان الخوف ده يروح بس مش راضي يسيبني
يعني هفضل اخرج بالعافية كده طول عمري
حاولى تتصاحبى على حد من الجامعة يبقى قريب منك فى السكن يروح وييجى معاكى فده هيشجعك على النزول وشوية شوية هتتعودى انا فعلا عندي زميلتي بنروح مع بعض بس ولا فارق معايا برضو
بصراحة مش عارفة اتصاحب على بنوتات يكونوا ساكنين جمبي نكون اصحاب بجد ويشجعوني
بمعنى اصح مش عارفة الاقيهم ازاي تفتكروا ازاي يا فتوكات
*نهى* *نهى* 129374_12.gif سوبر فتكات Fatakat 129374 الجيزة،فيصل – مصر