مساء الفل على اشطر ستات بيوت فى الدنيا
انا بقى عملت فطيرة حادقة فى البيت وطلعت تحفة
وقلت لازم ااجى اقول لحبايبى الفتوكات الشطورات الطريقة
ويااارب تعجبكوا
بصوا يابنات
انا من فترة وانا عايزة اعمل الفطيرة الحادقة زى الجاهزة الى بنجبها من برة
بس كنت قلقانة شوية من العجينة والخبز
فقلت اجرب ال…………
.
.
.
.
.
الجلاش
وطلعت تحفة
واد اية هى سهلة وبسيطة وسررررررريعة جدا جدا
اليكم المقادير والطريقة
المقادير :
لفة جلاش
1/4 كيلو لحم مفروم متعسج
1/8 بسطرمة
جبن رومى مبشور (والكمية حسب الرغبة )
زيتون اسود قطع صغيرة
3حبات فلفل لخضر قطع صغرة
2حبة طماطمقطع صغيرة
والتوابل
ملح -فلفل- توابل لحمة
كوب شوربة لحمة (ممكن تبديلها بكوب مرقة لحم )
كوب لبن
بيضة
الطريقة
هنجيب صنية مدورة مقاس كبير
وهتدهنيها نقطة زيت
هتفردى 1/2 لفة الجلاش فى الصينية
وتحطى 1/2 كمية المقادير بالترتيب دة
اللحمة المفرومة البسطرمة الفلفل الاخضر الطماطم الزيتون (مش كتتير علشان متطلعش حادقة )
وبعدين رشة من الجبن الرومى المبشور بس مش كتير
وبعديت تحطى عليها باقى الجلاش الى عندك
وتفردى علية باقى المقادير
بنفس الترتيب
وباقى الجبن الرومى المبشور
وبعدين قطعيها باراحة جدا علشان الحشو ميتبهدلش
وصبى عليها كوباية الشوربة بالراحة وياريت لو بالمغرفة
علشان المقادير من فوق متتحركش من مكانها
بس يا بنات كوباية الشوربة دى مهمة جدا لو عايزاها تطلع طرية
وبعدين غطيها بالفويل
مهم برضوا علشان الوش ميتحرقش قبل ما تستوى
طبعا لازم يكون الفرن شغال علشان يسخن
واول ما تحطى الفطيرة هدى النار شوية
وبعد شوية
اضربى البيضة فى كوب اللبن
وخرجى الفطيرة من الفرن فى نص الوقت تقريبا وحطي كوب اللبن على وشها
شيلى بقى الفويل ودخليها الفرن تانى
وبصى عليها بعد شوية
هتلاقى وشها اصفر واستوت
اطفى عليها واوعى تقطعيها الا لما تبرد
وبالف هنا وشفا
ويارب الطريقة تعجبكوا
مواضيع هذا القسم برعاية
ملوكة حبيبتى ملوكة حبيبتى 273043_1.gif فتكات هايلة Fatakat 273043 بورسعيد – مصر