السلام عليكم
اليوم عملالكم شويه فطاير هايلين و كمان حبيت اضيف لمسه صحيه على العجين
المقادير
3 كوب دقيق ابيض كوب الا ربع لبن بودره
3 كوب دقيق اسمر ملعقه خميره فوريه
3كوب دقيق ذره ملعقه صغيره ملح
2ملعقه كبيره عسل نحل ملعقه صغيره بكينج باودر
ماء دافىء للعجن
ملعقه كبيره حبه البركه وكمان سمسم
العجينه تحفه وهاشه وطريه و متخافوش من الدقيق الاسمر و دقيق الذره بيدوا طعم يجنن للمخبوزات وكمان غير الفايده
وياريت كلنا نقلل الدقيق الابيض
واسيبكم مع الصور
دى العجينه بعد العجن مباشره
ودى صورتها بعد التخمير شايفين ازاى ارتفعت
هنا اخذت جزء من العجينه وفردته و حطيت عليه جبنه قشقوان مبشوره
ثم اضفت على القشقوان بقدونس مفوم ورشه جبن تركى
ولفتها رورل زى ماشايفين (لفيه و متخافيش)هيستوى
وده شكل الرول بعد السوا بيكون طعمه تحفه و غرقان جبنه
هنا كنت مسويه هامبرجر وقسمته نصين و حطيت عليه جبن عكاوى و فلفل اخضر
وعملت نفس الشىء مع السجق
والضفيره والرول الصغير ده جبنه كيرى مع اورجانو
ده كمان شكل الرول بعد التقطيع
وماشاء الله كان تحفه
اتفضلوا معانا
مواضيع هذا القسم برعاية
مصريه و افتخر مصريه و افتخر 170366_9.gif برنسيسة فتكات Fatakat 170366 – اسكندريه – الكويت