السلام عليكم
ازيكم ياقمرات عاملين ايه
انا امبارح قولت لماما هاطبخلكو انا الغدا بكره وقولت هعمل ايه هعملي ايهظ
اه هعمل فراخ مشويه بس عالازازه انا بحبها اووووي وبتطلع معايا جميله بفضل الله
اولا المكونات :
فرخه
التتبيله بتاعتا
طماطمايه مبشورة
زعتر
خل
لمونه
ملح
فلفل
شطه
بهارات فراخ
بصلة مبشورة
كاري
4 فصوص توم مفروم
زبادي
صلصة
بخلطهم كلهم علي بعض
بيبقو كده
الطريقه
بغسل الفرخه كويس جدا وبنقعها في ميه وملح وخل لحد ماتنزل كل اللي جواها واشطفها كويس
واجيبها افتح فيها فتحات في الصدر والفخد علشان تشرب التتبيله زي كده
وبعدين بجيب التتبيله وادخل بين الجلد واللحم وفي الفتحات اللي عملتها في الفرخه علشان تشرب التتبيله كلها
وافضل ادخل بي الجلد واللحم واكتر منها انا عن نفسي بحب التتبيله تكون كتير لاني بحب طعمها اوووووووووووي
وسيبتها في التتبيله من امبارح الساعه 11 بالليل لحد النهارده الساعه 2 الضهر وطلعتها حطيتها عالازازه وعالفرن علي حرارة 220 في صينيه نصها ميه
ودي بعد ماطلعت من الفرن
وعملت عليها رز بالكبد والقوانص والمكسرات وبطاطس محمره
الرز:
2 كوب رز
كبد وقوانص متقطعه وتبلتها بتتبيلة الفراخ
بصلة مبشورة
مكسرات متقطعه
عين جمل وبندق ولوز
الطريقه:
حطيت زيت ونزلت فيه المكسرات اخدت لون بعدين نزلت البصل واصفر وبعدين نزلت الكبد والقوانص ووطيت عليهم وسيبتهم 10 دقايق اخدوا سوا ولون وبعدين نزلت بالرز عليهم وسيبتهم لحد مااستوو مواضيع هذا القسم برعاية
Asmaa Nabil Asmaa Nabil 301097_2.gif سوبر فتكات Fatakat 301097 بورسعيد بورفؤاد – مصر