السلام عليكم يا احلى فتكات واحلى بنات ومداماتتتتتتتت
انا مش هرغى كتير
انا هقولكم على طريقتى الخاصة في عمل الفراخ المشوية
اولا :-
نغسل الفراخ كويس وتنظيف الدم المجلط منها كويس
وندعكها بملح وخل ونشطفها بعد كدة ونحط شوية مية ونعصر ليمونة عشان ريحة الظفارة
وبعدين نشفطها في الاخر بماء فاتر وكدة طريقة الغسل خلصت
ودية صورتها
ثانيا : طريقة التتبيلة
فرخة كيلو ونص بلدى بدارة عشان تستوى بسرعه
بشر بصلة كبيرة
بشر طماطمية كبيرة
ربع كوب زيت زيتون
3 ورق لورى مقطع
عسر ليمونة كبيرة
فلفلة رومى كبيرة مبشورة
معلقة خل
ملح ، فلفل اسود ، كسبرة ناشفة ، بهارات مشكلة ، جنزبيل بوردة ، قرفة بودرة
معلقة صويا صوص
نحط كل المكونات عليها ونسيبها على الاقل 4 ساعات تتبل
ويستحسن تغطى وتكون في التلاجة المدة دية
ودية صورتها
انا شويتها على شواية الفحم انتى ممكن تحطيها في صينية
وعلى الفرن لمدة ساعة ونص وهتطلع تحفة برضة
بس على الفحم طعم تانى احلى بكتير من اللى بنشتريها من بره
مش عارفين ده مغسولة ازاى ولا فراخ اية اصلا
كدة اضمن واطعممممممممم بكتير مش هرغى كتير
ودية صورة الشواية ومتنسيش الفحم فية فحم بيتباع شوى اصلا بيقعد مولع كتيرررررررررر
والشفاط بيطلع كل الدخان في الحال اهم حاجة تكون الشوية تحت الشفاط بتاع المطبخ
ودية بعد مخلصت واخدت حوالى نص ساعه
وشويت معاها بطاطا حلوة وبتبقى طعمها يجنن
ومننساش رشة بقدونس مفروم قال اية جاهزة بقى
واخيرا الفرخة
ثالثا:- بقى الرز المعمر ده سهل اوى
دية طريقة حماتى اللى عملتهانى ربنا يكرمها يارب ويشفيها ويجازيها خير
2 كوب رز مغسول
2.نصف كوب لبن يستحسن يكون لسة مغلى
معلقتين قشطة كبار
معلقة ونص سمنه
معلقة صغيرة ملح
الطريقة بعد مينشف الرز من الغسل نحط عليها الملح والقسطة والسمنه ونقليب كويس ونسيبه لمدة
ساعتين وده لية عشان الرز حجمها بيكبر ومش بيعجن وبيبقى جامد طحن
ودية صورته بعد مطلع مقدرتش امسك نفسي اكلت معلقة
رابعا :- نيجي بقى للسلطة
ودية بتفتح النفس اوى وانا بعمل بكذا طريقة
يعنى ممكن ببطاطس مسلوقة وبسلة مسلوقة
او ببطاطس مسلوقة وفاصوليا مسلوقة
او زى كدة
طماطم شرايح
فلف رومى شرايح وممكن فلفل الوان
وممكن خيار
ونجيب معلقتين كبار مايونيز
ومعلقة صغيرة ثوم مفروم
ورشة ملح بفلفل
ومعلقة صغيرة ففل حامى احمر
ونقلب ونزلهم عليهم زى كدة
ودية السفرة في الاخر
اتفضلوا معانا بقه
ومتنسوش تقيمووووووووا بقه عشان الفايدة تعم
والف هنا لاحلى فتاكيت
قريبا طريقة عمل الكنتاكى طبعا اتعمل كتير بس مش بيبقى نفس طعم كنتاكى
ولمدمنين الريزو زى هيكون معاها مع صو البربكيوا السريع
استنونى مواضيع هذا القسم برعاية
ريتاجا ريتاجا 409821_2.gif فتكات متميزة Fatakat 409821 القاهرة – مصر