طبعا يافتوكاتى انا كنت منزلة وجبة الغدا كاملة في طبق اليوم ولكن من غير شرح وجالى اسئله بخصوص تتبيلة الفراخ
وعشان كده انا قررت انزلها في موضوع لوحدها
وياريت بجد تجربوها فعلا وهمية جدا وطعمها خطير
بس اللى تجرب ياريت متنساش الرد والتقييم
يلا نشوف بقه مع بعض الطريقه وكالعادة بالصور
المقادير
+التوابل وهى
(ملح -فلفل اسود-كمون-اهم حاجه الكارى ده زيادة شوية-كسبرة-شطة)
لو عايزه تزودى اى توابل تانيه مفيش مشكلة
وتحطى معاهم بقه بصله وفصين توم وومعلقتين زيت وشوية خل وكوب زبادى
ونخلط كله مع بعض
ونبدا ندهن الفرخة من كل ناحية ونحط بين الجلد واللحم بتاعها
ونخرمها من حتت مختلفة بالسكين
سيبيها بقه في التتبيله اكبر قدر ممكن
عشان تشرب التتبيله كويس اوى
ودى اهم خطوه بس بجد التتبيلة دى ريحتها وطعمها جنان
انا علطول بعملها لما يكون عندى عزومه ومش قادرة اقولكم على رد الفعل
حطيها بقه في الفرن على 180 درجة
في الرف الاوسط وخليها حوالى ساعة او اكثر
عشان تستوى اوى وتشرب تتبيلتها كويس اوى
ونشغل الشوايه عليها شويه ونخرجها
وهتبقي كده
اللى هتقييم بقه تتفضل دى
وعملتها جنب رز معمر وسلطة بابا غنوج
والصوص بتاعها عالفكرة بيبقى تحفه تحفه
وده كان الشكل النهائى
اللى مش هتقيم بقه هى حرة
انا مستنياكو
وياريت تجربوها
وان شاء الله تعجبكوا مواضيع هذا القسم برعاية
ميكى85 ميكى85 160583_1.gif سوبر فتكات Fatakat 160583 القاهرة – مصر