السلام عليكم يا قمرات
بقالى كتير مكتبتش مواضيع بس الظروف ربنا العالم بقى
و بجد بشكر اى حد سأل عليّه او بعتلى رسالة
بجد وحشتونى اوى اوى
بصوا بقى عشان مطولش عليكوا
مرة كنا بنتغدى فى مطعم مغربى و انا طلبت طاجين فراخ بالزيتون بعد ما الراجل شكر في الطبق ده جدا
و فعلا كان حلو جدا و عجب جوزى اوى كمان فا قررت اعمله فى البيت بس مكنتش عايزة اعمله الا لما اعمل عليه سيرش و اتأكد لو فيه مكون غريب او ممكن ميجيش فى بالى عشان طنت عايزة اظبطه
و فعلا عملت سيرش و لقيت بنت اسمها مرايم فى مدونة تانى ربنا يارب يجازيها الجنة
و فعلا جربته و طلع احلى من اللى انا اكلته فى المطعم كمان وده بشهادة جوزى اللى مش بيعجبه اى حاجة كده و السلام
و الفراخ بتاعته طلعت طرية جدا جدا تحفة بجد
بجد جربوه هيعجبكم
ندخل على المقادير :
كوب و نص بصل مبشور
كوب فلفل اخضر مفروم
جزرة مقطعة شرايح
زيتون اخضر مخلى من البذر ( انا استخدمت اللى بيكون محشى جزر )
نص كوب بقدونس و كزبرة مفرومين خشن
معلقتين صلصة
ليمونة مفرومة بقشرها
معلقة صغيرة من البهارات دى : ( كركم ,كارى . كمون . زنجبيل باودر , زعفران باودر , ملح و فلفل أسود , بهار دجاج )
معلقة زعفران اللى هوه زى الشعر كده ( ممكن تستغنى عنه لو مش متوفر بس يستحسن يكون موجود )
ده شكله للى مش عارفه
كوبين عصير طماطم
نص كوباية زبدة ( ممكن تستخدمى سمن )
معلقة ثوم مفروم
مخلل ليمون ( اختيارى بس بصراحة عطى الأكل طعم جميل )
الأول هنحط الزبدة على النار تسيح فى حلة تكون قاعدتها سميكة شوية عشان الفراخ هتطول شوية على النار فا عشان ماتتحرقش
و بعدين نحط البصل المبشور لحد ما يصفر
و بعدين الفلفل الأخضر
اول ما يستوى الفلفل حطى التوم
اول ما تطلع ريحة التوم حطى البهارات
[[(و يفضل ان البهارات تقلبيها فى الزبدة فى نفس الحلة بس على جنب كده لوحدها الأول لثوانى مش اكتر قبل ما تضيفيها على خليط البصل و الفلفل و التوم ) الحكاية دى عرفتها من صاحبة الوصفة و طبقتها فى اكلات كتير انى اقلب التوابل فى زيت او زبدة قبل ما اضيفه على الحاجة اللى بعملها بتخلى الأكل طعمه حلو اوى
بصو لما شوحتها التوابل كلها بقى ليها لوم محمر شوية
و قلبيهم كويس
و بعدين ضيفى الزعفران و برضه شوحيه لوحده ثوانى و بعدين قلبيه على الخليط
و قلبى كويس
و بعدين ضيفى الليمونة المفرومة ( خدى بالك افرمى الليمونة كويس جدا و متخليش فيها حتت كبيرة )
و بعدين ضيفى مخلل الليمون ضيفى واحدة او اتنين بالكتير و دى حاجة اختيارى لو مش عايزاها ماتحطيهاش بس برضه بتدى طعم جميل
انا حطيت ليمون سبايسى بس مش شرط استخدمى العادى لو تحبى
و بعدين ضيفى عصير الطماكم و سيبيه يغلى 5 دقايق بالكتير
و بعدين ضيفى الصلصة
نسيت اصور الخطوة دى خالص بس هاتضيفى الصلصة و تقلبى كويس
و بعدين ضيفى الفراخ طبعا مغسولة و نضيفة انا استخدمت اجزاء فراخ مش فرخة كاملة
ممكن تستخدمى فرخة كاملة عادى
قلبيها
و غطيها و سيبيها على نار هادية تقريبا ساعة اللى ربع
ده شكلها بعد ما استوت
كمان صورة
استنونى المشاركة اللى الجاية هاكمل مواضيع هذا القسم برعاية
zatoona magnoona zatoona magnoona 479996_3.gif سوبر فتكات Fatakat 479996 jeddah – saudi arabia