السلام عليكم فتوكاتي الحلوين
انا مش بطلع لساني لكم انا بطلعه لاختي اصلها كانت بتتريق عليا وانا باعمل الفراخ كلام ف سركم المطبخ ده انا ماليش فيه بس ده كان زمان
بس ايه ياسلام عليها لما استوت وريحتها طلعت بجد عجبتها اوي ويارب تعجبكم
عشان مطوليش عليكم اصل انا مكنش ليا في الطبيخ بس عشان زوجي حبيبي ربنا يرجعه بالسلامه اتعلمت شوية حاجات ولسه بكمل الباقي
بصوا بأه انا عملت فراخ بانيه هايله ومن غير ما اضيف لها بيض عند القلي لاني مش بحب ريحته
هتجيبوا كيلو صدور مخليه وتغسلوه كويس جدا بالليمون والملح
وبعدين تحضروا الخلطه السحريه(هي خلطه تقريبا من كل الوصفات اللي قراتها لتتبيل الفراخ):
بصلتين متوسطين-فصين توم فقط-فلفلايه-طماطمايه واحده عشان تدي
لون-عصير ليمونتين -بهارات وانا بصراحه الموجود عندي بحطه( ملعقه كبيره
فلفل اسود -ملعقه صغيره قرفه_ملعقه صغيره كسبره مطحونه ناعم _ممكن
كمان كاري والاساسي في التتبيل حبهان وياريت يكون مطحون ناعم شطه
حسب الرغبه رشة كمون بسيطه ولو فيه اي توابل تاني حطيها حسب
الرغبه)والجديد اللي اول مره اجربه ع الفراخ البانيه ملعقتين كبار زبادي
انا جبتها من عدة وصفات من النت ان الزبادي يجعل الفراخ لها طبقه
مقرمشه من الخارج وطريه ولذيذه من الداخل
خدي كل المكونات اللي موجوده ماعدا الصدور واضربيها في الخلاط ثم صفيها وخدي السائل فقط انقعي الفراخ في السائل لمدة ساعتين اواكثر هاتي حوالي ست اكياس فيجيتار لكن حطي كسين وتبلي بيهم حوالي 3
قطع ثم ضيفي كيسين اخرين وهكذا حتى تنفذ الكميه
ضعي زيت وعليه 3 ملاعق سمن وسخنيه جيدا
ضيفي قطع الفراخ وتكون النار عاليه حتى تبدأ الفراخ ف الاحمرار ثم هدي
النار واتركيها لدقيقتين ثم علي النار واقلبيها ع الوجه الاخر واستمري حتى
تنفذ الكميه ممكن تضيفي نقطتين لمون للزيت او على الفراخ قبل القلي
مباشرة طلعيه ع مناديل المطبخ ثم انقليها الى طبق التقديم
انا عارفه شكلها مش عاطفي بس طعمها بيجنن
نسيت اقولكم وانتوا بتغسلوا الفراخ حاولو تظبطوها في التقطيع
ودول هم المجني عليهم والجاني كان اعز الناس هي أختي
معلش بأه مقدرتش اقولكم اتفضلوا اصلها كانت طعمه اوي 
بالهنا والشفايارب اكون باعرف اعمل حاجه وتعجبكم
انا مش هتكلم الا لما اشوف الردودها باعرف اطبخ ولا…...ولا..…ولا…. ……
مواضيع هذا القسم برعاية
مرمر**ام توته** مرمر**ام توته** 211272_2.gif سوبر فتكات Fatakat 211272 الاسماعيليه – مصر