بسم الله الرحمن الرحيم
الحمد لله والصلاة والسلام على خير خلق الله
إزيكم يا أحلى فتوكات يا رب تكونو بخير
أنا كنت كاتبة الموضوع ده قبل كده بس كان الخط صغنن ولما كبرته كان الموضوع أصلا راح في خبر كان ، فهو أنا كتبته تاني أهوا يا قمرات عشان تطلعوا عليه تاني
فطلب من الإدارة تكرما يعني يا ريت الموضوع ما يتنقلش لأنه فعلا مهم ومفيد
وبقول تاني أحب أكتب الموضوع ده عشان الكل يستفيد منه
وهو رد على اللي بيقولوا إن التدخين مكروه مش محرم لما نقولهم قال تعالى (ولا تلقوا بأيديكم إلى التهلكة ) برضوا يقولوا مكروه ومش مقتنعين
نقول التدخين بيسبب أمراض ياما والقاعدة الشرعية بتقول ((لا ضرر ولا ضرار )) برضو لسه في اللي بيدخنوا
طيب أقول لكم الوقتي
كان في موضوع قد طرح في برنامج اللهم بك أصبحنا من فترة كده بسمعه كل يوم في السيارة وأنا رايحة الثانوية
المهم كانوا مستضيفين باحث مش متذكرة اسمه بالظبط لأنه بقاله فتره
المهم…
بيعمل أبحاث عن السيجارة بقالوا خمس سنين ؟؟
وكان سؤاله اللي محيره ……
ليه الفلينة بتاعت السيجارة مش بتتحرق ؟
ليه مش بتدبهدل من مسكها؟
بتترمي وبرضوا مش بتتفتت ولا بتتحلل وبتقعد فترة طويلة!!!!
تخيلوا بعد خمس سنين من البحث لقى ايه ..؟؟؟
ايه اللي مخليها تقعد كده بدون ما تتحرق ولا تتحلل؟؟
**
**
**
**
طبعا لقاها مصنوعة من ألياف بروتين الخنزير !!
وعشان تبدأ تتحلل قدامها حوالى عشر سنين!!
أعوذ بالله يعني فعلا خبث …….
طيب هقول الوقتي مش الخنزير محرم بكل ما فيه ؟؟
هتقول أيوة طبعا قال تعالى (( حرمت عليكم الميتة والدم ولحم الخنزير))
طيب اقتنعت ان التدخين حرام دلوقتي ولا لسه مش مقتنع ??
خلاص أيه صريحة بها نص التحريم….
هتجادل هيبقى حرام عليك !
نفسي أعرف اللي بيدخنوا بيستفيدوا إيه من التدخين ده
تعب قلب وخلاص بتجيب أمراض الدنيا السرطان بأنواعه
أمراض الرئه وغيره الكتير الكل عارف
غير انك بتأذي اللي حواليك لو مش هماك نفسك طب زوجتك ….
أطفالك….
المجتمع من حولك…..
كلهم ذنبهم إيه???
لازم تشوف طفلك وقع على الأرض قدامك مخنوق من الدخان …
ولا نفسك تشوفوه تعب وجالوا حاجة لا قدر الله وتقعد تلف بيه عالمستشفيات؟؟
وبعدين تفكر أنك تبطل تدخين؟؟؟
طيب ليه ده كله؟؟؟
ما تضحكش على نفسك وتقول بدخن ؛عشان أبقى راجل ،أو بدخن ؛عشان أنفخ همي فيها أبدا ده كله كلام قديم وفاضي؟؟؟
لأنك بكل بساطة بتزود همك وهموم مجتمعك كمان زي ما قولنا ….
ما تخليش حد يضحك عليك ويقولك دخن عشان تبقى راجل ده كتير بيقولها رفاق السوق -وقى الله الجميع منهم-
خليك واعي وفاهم ربنا من عليك بالعقل عشان تفكر
من الوقتي فكر مليون مرة قبل ما تدخن سيجارة
فكر في حجم السلبيات اللي هتجنيها على نفسك وأسرتك ومجتمعك…
خلااص بادر من الوقتي وجاهد نفسك قبل ما يحصل حاجة تندم عليها في وقت ما ينفعش فيه الندم
وربنا يحفظ المسلمين جميعا من كل سوء
والسلام عليكم ورحمة الله وبركاته…..
((ما تنسوش التقييم يا قمرات))
سلاااااااااااام
::
::
عين كافور عين كافور 572733_2.gif فتكات متميزة Fatakat 572733 الرياض – المملكة العربية السعودية