السلام عليكم ورحمه الله وبركاته
النهارده عملت فته الشاورما وبجد اكتر من رووووووووووووووعه
كنت متعالمها من المدونة هنا من 4سنين تقريبا
جزاها الله خيرا بجد الى قالتهالى لانها بجد رووووعه
ومستنيه منكم التقيييييم والرد عايزه شويه تشجيع بقى
الاول تتبلى اللحمه من قبلها بيوم او ممكن باربع ساعات على الاقل عشان تشرب التتبيله
التتبيله عباره عن ( علبه زبادى – خل – مايه بصل – طماطميه مبشوره – توم – زيت – بهارات لحمه – فلفل اسود – وشطه لو بتحبيها – صويا صوص لو موجوده مش اساسى يعنى )
وهنا صوره اللحمه فى التتبيل
وبعد كده تحطى اللحمه بالتتبيل فى صنيه وقلبتها شويه على نار عاليه وتكون الطاسه او الصنيه سخنه طبعا
وبعد كده وطيت عليها النار وغطيت وسبتها تشرب التتبيله وتستوى
ولو اللحمه لقتيها مش استوت ممكن تزودى شويه مايه سخنه صغيره يعمى لحد ماتستوى
وفى طاسه منفصله تقطعى بصل شرايح وفلفل وطماطم كله شرايح
وشوحتهم فى ليه بعد ماسيحتها
بس انا حطيت البصل الاول يدبل شويه وبعد كده باقى المكونات
وبعد كده حطيت الاتنين على بعض وشويه ملح وفلفل اسود تانى ورشه سكر وشويه كاتشب بس دى مش اساسى ده عشان انا بحبه بس
وولعت فحمه وحطتها فى النص فى الاول بحط ورقه زبده وبعدها ورقه فويل ونقطه زيت وغطى بسرعه
وكده الشورما خلصت
بجى بقى للعيش نجيب العيش الشامى
وتدهنيه ذبده وحطيته فى الفرن شويه صغيرين لحد ما بقى لونه كده
وبعد كده عملت الدقه بتاعت الفته العاديه
شويه زيت وحطيت التوم اتحمر شويه حطيت الخل قطعت العيش وقلبته فى الخل والتوم ورشه ملح
وبس كده
اما الرز مش صورته بس هو سهل جدا
رز بسمتى عليه كركوم وكارى ومرقه دجاج وبس
بجد تعبت جدا فى رفع الصور
والكاميرا بتاعت موبايلى مش حلوه بجد كان شكلها احلى من كده
عشان هنا الالوان باهته شويه
مستنيه منكم التقييييييم والرد
والا هزعل
مواضيع هذا القسم برعاية
ام رودى العسل ام رودى العسل 258244_26.gif ملكة فتكات Fatakat 258244 مدينه الحب – مصر ام الدنيا