ازيكم يا حبايبى والنهاردة جيبلكم نوع جديد للفته بس فراخ وخفيغه
ومعلش معنديش كاميرا اوريكم حلاوتها
اللى يعجبه الوصفه مينساش يقييم
الخطوات
الارز
بصى يا ستى هتعملى رز عادى ابيض خالص مع اضافه معلقه قرفه مطحونه وتركنيه على جمب بعد السواء
الصلصه
وتعملى صلصه الفته ( نصف كيلو طماطم مع 2 فص ثوم ) واديهم ضربه بالخلاط وبعدين تعالى هاتى حله صغيرة وحطى فيها 2 فص ثوم مطحون وعليهم شويه خل حوالى معلقه عشان متبقاش حاميه قوى وتقلبى وتنزلى بالطماطم اللى انتى عصراها وتقلبى وملح وفلفل طبعاُ وتحطى ربع كوب صلصه وبرودا تركينها على جنب
ثالثاً شاورما الفراخ
الفراخ الشاورما بقى ( هتجيبى البانيه تقطعيه مكعبات صغيرة ) وتجيبى طاسه وتكون بشرة بصله متوسطه وتسيبها تدبل وتحطى الفراخ عليها وملح وفلفل وطبعا الفراخ وتسيبها تنزل ميتها وتحطى فلفل اخضر متقطع شرائح وطماطم شيري من غير القلب يعنى تخليها من قلبها حوالى 2 وتحطى بهاراتك لو عندك زعتر ، كارى وتضيفى خضرة بقدونس نصف رابطه ولو تحبى فلفل حامى او شطه وتسيبها تستوى فى الميه بتاعته ولو احتاجت تضايفى شويه بشويه حتى السواء
رابعاً العيش
بجيب العيش الشامى اقطعه 4 اربع وارش عليه شويه كمون واحمره فى الزيت غزيز واطلعه يتصفى بيقى مقرمش وطعمه حلو وبحطه على الوش من فوق
طريقه التقديم
نجيب بقى صيينه الفرن نحط فيها فى الارضيه رشه الصلصه اللى احنا مجهزنها ونحط الشاورما الفراخ ومن فوقها الرز ونرجع نغظى الوش بالصلصه ورشه فلفل اسود على الوش وتدخليها 10 دقائق تحت الشوايه
وانا بحط كمان على وشها بجيب العيش الشامى المتحمر
وبالف هنا وشفا مواضيع هذا القسم برعاية
ام سوكه الرخمه ام سوكه الرخمه ممنوعة من المشاركة Fatakat 646667 الرياض – السعوديه