السلام عليكم
ازيك يا احلى فتوكات و شيفات بالعالم
جبتلكم اكلة سهلة و سريعة و جميلة جدا من مطبخى اليكم ملحوظة بس صغيرة انا بنزل وصفاتى على صفحتى ع الفيسبوك يعنى الوصفة دى بتاعتى و من مطبخى و مش منقولة من اى مكان
يلا نبدأ
المكونات
صدور دجاج مقطعة شرائح رفيعة حوالى كيلو
يــا رب الاكلة تعجبكم و مستنية التقييم و الردود الحلوة
تنبل الدجاج من قبلها بيوم بالاتى (ماء بصلة كبيرة_ملعقة كبيرة صويا صوص _ربع ملعقة صغيرة ثوم بودر _ربع ملعقة صغيرة بابريكا_ ربع ملعقة صغيرة كارى _ رشة قرفة و كركم _عصير ليمونة _ نصف ملعقة صغيرة خل_ملح و فلفل اسود )
فلفل الوان مقطع بالطول و طماطم
بصلة مقطعة جوليان
رغيف عيش بلدى او شامى مقطع مكعبات صغيرة
مكونات صوص الثومية اسهل ما يكون
زبادى _مايونيز ثوم بودر (كمية حسب الرغبة )
نخلطهم مع بعض و نتركها فى التلاجة لوقت الاكل
نشوح الدجاج فى ملعقة زبدة و زيت
و اول ما يتغير لون الدجاج نهدى النار و نغطى الطاسة و نتركها 15 دقايق
فى الوقت دا نعمل ارز بالكارى
2 كوب ارز بسمتى
4 كوب ماء
2 ملعقة صغيرة ملح
ملعقة صغيرة كارى بس تكون مش مليانة اوى يعنى ممسوحة
ملعقة صغيرة زبدة او سمنة او زيت
نسوية زى اى رز عادى جداا
بعد مرور ال 15 دقيقة نضيف الفلفل و نعلى النار تانى و نقلب عشان الدجاج ياخد لون دهبى ويتحمر 5 دقايق
ثم نضيف الطماطم
هنا الشاورما بقت تمام و استوت
فى طاسة تيفال نضع كمية قليلة من الزيت و نقلى العيش ممكن نحمصة فى الفرن بس كدا احلى بكتير
هنا لون العيش بقى دهبى و جميل
ثم تقدم فتة الشاورما مع الصوص
نضع طبقة من الارز بالكارى مع العيش ثم الشاورما و نضع لمسة بسيطة على الطبق من الصوص
مواضيع هذا القسم برعاية
شــاهــى شــاهــى 854013_1.gif فتكات نشيطة Fatakat 854013 alex – egypt