السلام عليكم
حد جرب يعمل فتة المسقعه ؟؟؟
انا اكلتها مره عند قرايب لينا من فلسطين وادمنتها بصراحه وكل ما اعمل المسقعه المصريه بتاعتنا اعمل الفته ده معاها
وحاعملها انهرده ان شاء الله فقلت اقولهالكم تعملوها معايا
يالا نخش المطبخ
المقادير :
باذنجان رومي
طماطم
عيش شامي
ذبادي
ولوز مقشر لوعندك
الطريقه:
الباذنجان تقطعيه وتقشريه وتشطفيه وترشيه عليه ملح وتحطيه في مصفى علشان ينزل مايته وكل شويه تدوسي عليه تعصريه
وشوفي قد ايه مايه نزلت منه علشان مايشربش زيت
وبعدين نقليه
وهو بيتقلي نجيب الطماطم ونبشرها
اهم حاجه نبشرها مش نضربها علشان القشر بيعمل مزازه
وبعدين نحطها في طاسه او حله صغير بدون اي دهون ولا زيت ولا حاجه ( كفايه زيت قلي الباذنجان) ونسيبها تتسبك كده
وبعدين نقطع العيش الشامي مربعات ونحمره في طاسه مع حبة زيت لحد مايصبح لونه ذهبي
وبعد ما الباذنجان اتحمر والطماطم اتسبكت نحط الباذنجان على الطماطم ونهرسه شويه على نار هاديه وممكن نضيف رشة ملح وفلفل بسيطه اوي
يكون شكله كده
مرحلة رص الفته:
العيش المحمر
المسقعه
وبعدين نحط الذبادي على الوش زي الصوره وممكن نزوقها بلوز مقشر ومحمر وبيفرق في الطعم على فكره حلو اوي
ممكن تضيفي توم على الذبادي زي سلطة الذبادي بس انا محبتهاش كده وعلشان القولون بئه كمان
(** طريقة تقشير اللوز : تغلي مايه وتقفلي عليها الاول وبعدين تحطي فيها اللوز 10 دقايق كده وتطلعي بالمعلقه واحده واحده تقشريها حاتلاقي القشره بتطلع بسهوله — ماتستنيش لما المايه تبرد — وبعدين تقسمي اللوزه نصفين بالطول )
(** الاكله ده بتتاكل علطول علشان العيش مايطراش منك)
وبالهنا والشفا يارب يكون مجهودي عجبكم
جربوها وادعولي انا وزوجي وبناتي بئه ربنا يباركلكم مواضيع هذا القسم برعاية
jasmin_n jasmin_n images/flowersavatars/avatar0030.jpg فتكات هايلة Fatakat 371157 القاهرة – مصر
سبحان الله و بحمده