أزيكم يافتوكات يا حلوين ياللى بتحبوا العزائم ، كلنا دائماً لما بنعمل عزومة بيبقى عندنا مشكلة بعد العزومة وهى الأكل الفائض واحيانا بيبقى كتير وللأسف فيه ناس بترمى فى الزبالة ،انا من المنوفية والعزومة عندنا يعنى محشيومقولكوش بقى بعد العزومة بيبقى المحشى فائض إد ايه وطبعا أكله يومين ورا بعض بيبقى حاجة تقيلة بصراحة فانا اخترعت اختراع ومن اول ماتجوزت وهو نافعنى بصراحة وقولت أقولكم واكسب فيكم ثواب بصى يا حبيبة قلبي انتى هتجيبى المحشى إللى هيفيض وتحطيه فى العلب إللى بتعينى فيها الأكل فى الفريزر فى كل علبة كمية على قد غداكم وبتعنيها فى الفريزر ممكن لحد أسبوع أو عشر أيام ولو تلاجتك كويسه ممكن اكتر من كدة ميهمكيش ، نيجى بقى للمهم لما تحتاجيه تطلعيه من الفريزر قبلها بيوم وتحطيه فى التلاجة من تحت علشان يفك ثلجه وقبل الأكل تسخنيه بس على حمام بخار هقولك ازاى ، تجيبى حله وتحطى فيها شوية ميه صغيرين وتحطى فوقيها مصفاه بس طبعا حجم المصفاه وحجم الحلف وحجم كمية المحشى يكونوا مناسبين لبعض وبعد كده تحطى الحله بالمصفاه إللى فوقيها على النار لحد لما الميه إللى فى الحله تغلى وتأكدى أن الميه إللى بتغلى موصلتش لقلب المصفاه ولو وصلت يبقى تقللى الميه وبعد كده تحطى المحشى فى المصفى وتغطى عليه بغطاء مناسب ليحبس البخار ويسخن المحشى وتسيبيه خمس دقائق أو عشر دقائق بيكون سخن وبتغرفيه بيبقى زى إللى لسه معمول ، فكرة التسخين على البخار زى فكرة حلة المبروم واللى عندها الحله دى ممكن تستخدمها ،ألطريقه دى تنفع لكل انواع المحشى خصوصا الكرنب وفيه طريقة تانيه لتسخين محشى البدنجان والكوسة وهى انك تحمريها فى طاسة تيفال بشوية زيت وبيبقى طعمه تحفه ،باقى بس أنى أقولك أن التسخين على البخار بيزود تسوية المحشى وبيقلل الملح بتاعه علشان كده خلى بالك متسيبيهوش كتير فى المصفاه وممكن ترشى عليه ملح خفيف اثناء التسخين وبالف هنا وشفاء ومتنسوش التقييم بااااااااااى مواضيع هذا القسم برعاية
انوجه حومه انوجه حومه 996651_1.gif فتكات حبوبة Fatakat 996651 املج – السعوديه
سبحان الله و بحمده