بجد بجد وحشتوووووووووووووووووونى جداااااااااااااا جداااااااااااا جدااااااااااااا
انا كنت مسافرة من العيد و مش رجعت الا اول الاسبوع ده علشان ابنى الصغير دخل المدرسة خلاص و مش كان عندى نت هناك فا مش عرفت ادخل المدونة و كنت متضايقة جدا لانكم كنتوا واحشينى مووووت بس انا رجعتلكم تانى اغلس عليكم بمواضيعى تانى [ ربنا يكون فى عونكم ] .
انا النهاردة و لكام موضوع قدام حانزل حاجات للحفلات لان انا بتبقى الحفلات و اعياد الميلاد عندى كتير اول ما اولادى بيدخلوا فى الدراسة .
و كمان علشان حبيبة قلبى hugzy كانت طلبت منى حاجات لعيد الميلاد .
انا بقى الاولاد عندى زهقوا من ان فى كل عيد ميلاد بيلاقوا بيتزا و خصوصا ابنى الصغير مش بيحب البيتزا [ شوفتوا حد زيه قبل كده ؟؟؟ ]
المهم انا فكرت اقدم حاجة حادقة شكلها جديد و سهلة ان الاولاد يمسكوها و يكلوها و مش تبقى بيتزا ……تبقى ايه ؟
الكب كيك المالح طبعا . شكله بيبقى حلو جدا و الاولاد حبوه جدا و بقوا بيطلبوه من ابنى يجيبوا ليهم فى المدرسة او فى اى دش بارتى
بيعملوه . و كمان هى اسهل و اسرع فى العمايل و مش محتاجة فرد و تقطيع .
كفاية لكلك بقى و نبتدى الجد بسم الله الرحمن الرحيم :
دول صور للكب كيك المالح اللى كنت عاملاه فى حفلة عيد ميلاد ابنى اللى كان عازم فيها المدرسة كلهههههههههها
نيجى للمقادير :
200جم دقيق [ 2 كوب ]
200 مم لبن [ 1 كوب ]
1 بيضة / ملح / فلفل اسود / زعتر
50 مم زيت [ 1/3 كوب ]
1/2 باكو بيكنج بودر
1 كوب جبنة رومى مبشورة / 1/2 كوب جبن شيدر مبشورة
1/2 كوب زيتون شرايح / 1/2 كوب فلفل احمر مقطع كارو / 1/2 كوب فلفل اخضر مقطع كارو
1/2 كوب فلفل اصفر مقطع كارو / 1 كوب سوسيس مقطع كارو [ ممكن لانشون او تونة او بسطرمة ] اى حاجة عندك
اول حاجة نخلط اللبن و البيضة و الملح و الفلفل و الزعتر و الزيت مع بعض و نقلبهم كويس بمضرب سلك
ونضيف ليهم الدقيق و البيكنج بودر و نقلب كويس بمضرب السلك لحد ما يختلط كويس من غير كلاكيع
و نضيف عليه الخضار المقطع و الزيتون و الجبنة الرومى بس و السوسيس و نقلب كويس
و نجيب صينية كب كيك و نقص ورق زبدة دواير صغيرة على اد قاع وحدات الكب كيك بس [ مش نستعمل ورق الكب كيك علشان بيلزق جدا
فيه انا عملته اول مرة فى ورق الكب كيك و لزق ] و ندهن القوالب و الورقة كويس جدا بالزيت
و نملا القوالب بالخليط اللى عملناه للاخر لانه مش بيرتفع قوى زى الكب كيك الحلو
و ندخلهم الفرن 200 درجة الرف الوسط و لما يجمد و قبل وشه ما يحمر نخرجه و نرش على وشه الجبنة الشيدر و شريحة زيتون للزينة و ندخله الفرن تانى لحد ما وشه يحمر
و حايكون شكله كده . نسيبه لحد ما يهدا شوية و نطلعه بحرف السكينة [ معلش فيه صور طلعت مهزوزة شويه ]
مواضيع هذا القسم برعاية
شاي ساده شاي ساده 849519_1.gif فتكات ست الكل Fatakat 849519 القاهرة – مصر