بسم الله والصلاه والسلام علي رسول الله صل الله عليه وسلم.
سرحت انهارده شويه افتكرت يوم الخبيز دا يافتكوتات زمان كانت امي الله يرحمها تتجمع هي والجران والقرايب عشان يخبزو وكل وحده تعجن شويه وفي الاخر بعد ميخلصو علي نفس الطبليه والعيش طالع سخن نحط الغدا وكان اطعم اكل في حياتي والله عمري منسيت طعمه ابدا الله يرحمك يامي كان اكل فيه البركه بجد .
ملحوظه قبل مكتب انا دلوقت مغتربه وبخبز هنا برضو
اول حاجه دا العيش لسه معملول من شويه وسخن ودا لو حد عاوز تعرف طريقته عملاه في كذا موضوع
صنيه البطاطس
(بطاطس صدر فرخه كبيره فلفل اخضر وفصين توم وبصله بقدونس مفروم ناعم وتوابل ملح وفلفل اسمر كمون شطه مزيج دجاج ورق لورا حبهان صلصه طماطم )
ممكن نحطها كدا في الفرن وبتكون اجمل من الصلصه وندخلها الفرن
وطبق البابا غنوج (بدنجانه نحطها في الفرن واحنا بنخبز تنشوي ونطلعها نقشرها ونحط ملح وفلفل وكمون وطحينه وزيت زتون .
وطبق جبنه قديمه (جبنه قديمه طماطم مقطعه كمون ولمون وشطه وزيت)
وطبق البطيخ دا كنت بشوفه علي الطبليه ومحدش يقولي بيعمل ايه هنا هههههههههههههههههههههه
طبق كبده اسكندراني (فلفل اخضر توم ولمون وخل وكمون وكبده فراخ ) دا مكنش في الغدا دا من عندي.
والمخلل اساسي طبعا
ولو كان يوم سبت بيكون في سردين
ودا رغيف تاني من قريب وكدا انا خلصت وياريت كلكم تدعو لامي في سركم حتي بلرحمه وان ربنا يجعل قبرها روضه من رياض الجنه ويحشرها مع الابرار هي وجميع اموات المسلمين.
مواضيع هذا القسم برعاية
لولوه الشعنونه لولوه الشعنونه 658279_2.gif فتكات غالية قوي Fatakat 658279 ابوظبي – الامارات