السلام عليكم ورحمة الله وبركاته
بجد يا قمراتى الاكل الخفيف مفيش احسن منه بتقومى من على الاكل وانتى خفيفه وطبعا شبعانه
النهرده كنت عايزة اعمل اكل سريع لانى هاكل لوحدى
طلعت 4 سمبوسك كنت مفرزاهم ودهنت صنيه زيت ودهنت برضه وشها بالفرشه وحطتها تحت الشوايه
وعملت باميه كان عندى شوربة غلتها وطلعت كيس بامية من الفريزر حطيته فى الشوربة وضربت 2 طماطم فى الخلاط وحطى معاهم فص ثوم وحطيهم على البامية وحطى ملح وفلفل وكزبرة ناشفة ولمونة وحتة زبدة صغننه وسبيهم يتسبكو كله مع بعضه هيه نص ساعه وهتكون خلصت ان شاء الله ودوقى احلى بامية خفيفة ولذيذة جدا
وعلى فكرة الاكله دى لو عايزة تخسى بلاش عيش مدام عملتى سمبوسك
كمان يا جماعه هكرر تانى الاكل الخفيف ده لكل العيلة مش للى عايزة تخس بس لانه صحي وحماية لكل العيلة من الامراض اللى بتسببها الدهون الزيادة
يللا بئا عشان متزهقوش واشوفكم مرة تانيه فى أكله تانيه لايت
وبصو على الاكله دى كمان متصورةhttps://fatakat.univanet.com/#4747148
مواضيع هذا القسم برعاية
حياتى ونور عينى انا حياتى ونور عينى انا images/avatars/arrow.gif سوبر فتكات Fatakat 518862 مدينة فى مصر – مصر