حبيباتى الفتوكات دا أول موضوع ليا فى قسم الاطباق الرئيسيه اتمنى انه يعجبكم وتستفيدوا منه ياااااااارب
النهاردة عملت على الغدا كبده وفشه وكلاوى وطحال وقلب ضانى فقولت اشرككم معايا عشان حبايبى اللى لسه بيتعلموا ممكن يستفيدوا ويدعولى
نبتدى على بركه الله
اولا : نغسل الكبده والكلاوى والفشه والقلب والطحال كويس جدااا وننقعهم فى ملح وخل وليمون عشان الريحه وبعد كدا نغسلهم ونحطهم يتصفوا فى مصفه زى الصوره ما بتوضح
ثانيا : نحضر بهاراتنا ودى عباره عن
بصله متوسطه ونقطعها ارباع _ فلفل حب _ ملح _و ورق لورا _ مستكه وحبهان ودا واضح فى الصوره
ثالثا : نحضر ميه وبعد ما تغلى على النار نحط فيها البهارات بتاعتنا ونسيبها تغلى خمس دقايق ودا باين فى الصوره الجايه
رابعا : نضيف الصحبه كلها للميه المغليه بالبهارات زى الصوره ما بتوضح
وهنا بقى ركزوا معايا عد اضافه الصحبه لابد ناخد بالنا قوى من الفشه لانها بتعوم وتطف اثناء الغليان فى البدايه فلازم نكون واخدين بالنا منها
خامسا: بعد التاكد من انها استوت كلها نرفعها م الحله ونتركها شويه لما تبرد وبعدين نبدا التقطيع زى الصورة ما بتوضح
سادسا : بعد التقطيع نحضر طاااااااااااسه فيها زبده او زيت او ليه خروف متسيحه وننزل فيها الصحبه كلها ونقلب كويس عشان تتحمر من كل الجوانب زى الصوره ما بتوضح
وهنا بقى جت اللحظه الحااااااااااااااااااااااااااااسمه استعدواااااااااا
[
COLOR="SeaGreen"]وكمان صوره اقرب
هنا بقى يا حلوين مع السلطات الخضرا والطحينه
وهنا بقى كنت سخنت العيش وقطعته وجااااااااااااااااااااهز على الاكل اتفضلوا معانا::
وطبعاااااا الاكله الحلوه دى محتاجه مشروب صحى يساعد على تفتيتت الدهون اللى فيها ويساعد عل امتصاص الحديد اللى فى الكبدة وعشان كدا عملت عصير ليمون فريش
فى النهايه يا حبيباتى
اتمنى انكم تستفيدوا من موضوعى و اماااااااااااااااااانه تدعولى اقوم بالسلامه لانى حامل فى اخر السابع وتدعو لبنتى ربنا يهديها وتكون من حفظه القرآآآآن
فى امان الله حبيباتى
[/color] مواضيع هذا القسم برعاية
shahrazad_2016 shahrazad_2016 622203_1.gif فتكات رائعة Fatakat 622203 قلب جوزى حبيبى – بيت جوزى حبيبى