السلام عليكم ورحمة الله
دي اول مره اشارك علي فتكات حبيبتي يا ريت اكون ضيفه خفيفه عليكو الموضوع ده اهدااااااااء لاختي حبيبتي ربنا يحميها ويحفظها
عملت النهارده كوسا باللبن يله بسم الله نبدء
هنغسل الكوسا كويس ونحفرها
هنكون مجهزين اللحمه متعصجه ونحشيها
الخطوه الجايه يا جماعه المفروض انها بتتشوح فيه زيت او سمنه نحذف الخطوه دي علشان تبقي خفيفه وهنرصها في حله ونضيف عليها ربع كبايه شربه ومكنش عندي للاسف فا ضيفت مرقه فوريه ونسيبها علي النار ونهدي عليها علشان تستوي بس نخلي بالنا علشان ماتتهريش
في التوقيت الي بتستوي فيه الكوسا هنحضر الزبادي او اللبن زي ما بيتقال عليها الخطوه دي احنا هنجيب علبتين زبادي العلبه 400 جرام يعني الاتنين 800 وجيبتها قليلة الدسم تمام وهنصفيهم لازم ونضيف عليهم ملح وفلفل ونص كوب شربه وضيفت بردو مرقه ومعلقة نشا كبيره مدوبه في قلب الشربه السخنه ونخلطهم في الخلاط كويس ونضيفهم علي النار
طول الفتره الي هي علي النار لازم نقلب منسيبش المضرب لحد ما يغلي الزبادي علشان ميفرتش مننا اول ما يغلي لو حسينا انه فرت ناخده تاني علي الخلاط ونخلطه تاني
دلؤتي هنضيف عليه الكوسا بعد ما استوت
كده خلاص خلصنا وبئت جاهزه قدمتها وعلي الوش رشة نعناع مجفف
لو عجبكوا موضوعي مش طالبه منكو تقييم طالبه دعوه بظهر الغيب اللهم توفاها وانت راض عنها
مواضيع هذا القسم برعاية
يا من له الامر كله يا من له الامر كله 601257_2.gif فتكات نشيطة Fatakat 601257 الجيزه – مصر