السلام عليكم يا فتوكاتى
انهارده قلت نغير شويه ونعمل اكل شيك وفى نفس الوقت سهل
وسريع وواهو تجديد وزى ما بقولكم كتير
ان لازم التجديد وصدقونى اى زوج بيفرح انه يلاقى مراته
بتجددله وبتفكر تعمل اكلات مش تقليديه
حتى شوفوه كده
هااااااااا تستاهل انك تجربيها وتغيرى الباميه والملوخيه مع احترامى ليهم طبعا ههههههه
ايه يعنى لما تعملى لجوزك اكل 5 نجوم فى البيت
بالذمه مش يستاهل
الشاطرة تقولى لا ههههههههه
وانا اندهه لجوزها حالا
بهدى النفوس انا صح
نبدأ بسم الله
المقادير
نص كيلو لحمه مقطعه مكعبات صغيره
نص كيلو بصل قاورمة ( وده البصل الى حجمه صغير )
2 معلقه دمى جلاس باودر مدوبيين فى نص كوب مايه
ملح وفلفل وبهارات
هنحتاج
نص كيلو بطاطس
نص كوب لبن
2 معلقه زبده
ملح وفلفل
وللتزيين
بروكلى مقطع ومسلوق فى مايه بتغلى لمده 5 دقائق
واما نصفييه نضيف عليه مايه متلجه علشان يحتفظ بالون الاخضر الحلو
وطبعا انا قدمت مع اللحمه بطاطس بيوريه اولا لان طعم الصوص هيمشى معاها اووى
ثانيا للتجديد عن الارز والمكرونه
بس ده حسب الرغبه ممكن الى عاوز يعمل معاها ارز ابيض
او مكرونه زى ما تحبوا
بالنسيه للدمى جلاس علشان كتير بيسألونى عليه
ده دمى جلاس باودر جايباه من هايبر وان سايب بالكيلو فى قسم العطاره
وفى منه عبوات مغلفه مرسوم عليها الشيف شربينى
هو اصلا بيتعمل بعظام البقر وبيتحط عليها بوكييه جارنييه وتوابل
وبتتحرق فى الفرن بالساعات وبعدين تتزود مايه وتغلى على النار
برضه بالساعات وبعدين تتصفى والناتج ده الدمى جلاس او الصوص البنى
وطبعا بيبقى طعمه يجنن لانه ناتج كل طعم العظم
والخضار والتوابل
وام سودق حبيبة قلبى اعتقد كانت منزله موضوع عنه بالتفصيل
بس طبعا الباودر اسهل بكتير وموجود فى الهايبرات بسهوله وسعره عادى مش غالى ولا حاجه
الطريقه
هنحط الطاسه تسخن على النار وننزل بالبصل يتشوح بسيط
وبعدين نزل باللحمه ونشوحها لغايه ما لونها يتغير
نحضر الدمى جلاس
ونزل بيه عليهم
نسلق البروكلى زى ما قلتلكم
ونشوحه بمعلقه زبده وملح وفلفل
نسيب اللحمه تستوى ونضيف ليها الملح والفلفل والبهارات
نجهز البطاطس البيورييه
نقطع البطاطس مكعبات ونسلقها واما تستوى نضربها بملح وفلفل واللبن
والزبده
وده شكل اللحمه اما استوت
نجهز طبق التقديم
ونحط البطاطس فى كيس حلوانى ونشكملها كده على جانب الطبق
ونحط فى النص اللحمه بالصوص بتاعها
وعلى الاجناب نوزع البروكلى وعليه برضه من الصوص
وبالهنا والشفا
اقرب
بجد روعه لازم تجربوها
زووووووووووووم
زوم اكتر
وطعم البيورييه مع الصوص تجنن والله
ان شاء الله تكون عجبتكم يا بنات وتجربوها
وزى كل مره متنسوش التقييم
وردودكم الحلوة
سلام يا طعميين
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى