عيش السرايا
جبتلكو اسهل طريقة علشان نعمل عيش السرايا مع بعض
والمكونات :
علبة زبادي + 1 كوب سكر
2 بيضة + فانيليا
2 كوب دقيق + بيكنج باودر
لعمل الشربات نجيب : "2كوب سكر + 1كوب ماء + عصير ليمونة "
هنعمل الشربات الأول نحط المكونات كلها علي النار ونسيبها تغلي لغاية لما يتقل ويبقى عامل زي العسل
وبعدين نشغل الفرن
ونجيب الخلاط ونحط فيه كل حاجة اتنين اتنين يعني الأول الزبادي والسكر ونضربهم كويس
وبعدين البيض والفانيليا ونضربهم وبعد ماننخل الدقيق نحطوا معاهم ونضربهم كويس قوي
دلوقتي نجيب صينية ونبطنها بمادة دهنية ( زيت / سمنة) ودقيق ونحط فيها الخليط السابق
ونحط الصينية في الفرن لمدة 20 دقيقة ومنفتحش الفرن عليها خالص قبل الوقت ده علشان متهبطش
ونشوف بعد كده استوت وللا لسه ونعرف ازاي اقولكو نغرز سكينة فيها لو طلع فيها عجينة تبقى لسة ونسيبها شوية
بعد اما نطلع الصينية من الفرن نحط عليها الشربات وتقدم ساخنة
وبالهنا والشفا وادعولي مواضيع هذا القسم برعاية
mannomasso mannomasso 406000_3.gif فتكات هايلة Fatakat 406000 بورسعيد – مصر