بسم الله الرحمن الرحيم
اولا زقبل كل حاجة ازيكم عاملين ايه يا رب تكونوا بخير يارب ربنا يعطى كل واحدة اللى
تتمناه ويرزقها بالطفل السليم المعافى طبعا ولد ولا بنت ده رزق من عند ربنا
بسم الله الرحمن الرحيم " يهب لمن يشاء اناثا ويهب لمن يشاء الذكور او يزوجهم ذكرانا واناثا ويجعل من يشاء عقيما"
طبعا ده رزق من عند ربنا ولو ربنا مرزقكيش بالولد يبقى ده لانك ملكيش خير فالاولاد
يعنى ربنا بيشوفلك الاصلح فين ويعنى هو الولد شايل اسم ابوه والبنت شيلة اسم الجيران كله خير وغيرنا مش لاقيه
وربنا يهب كل واحد اللى بيتمناه
تعالوا بقى اقولكم ع الموضوع اللى انا دخله علشانه علامات الحمل فولد وبنت
بصوا بقى انا عندى طفلين ولد وبنت وحامل فالتالت ربنا يقومنى
بالسلامة قولوا امين يارب انا وكل اللى زى
حبيت اقولكم العلامات اللى بيكتبوا عنها فالمنتديات
واللى حصل معايا فاولادى الاتنين وحملى ده
اولا بيقولك لو انت حامل فبنت لون حلمة الصدر مبتتغيرش ولو حامل فولد بتتغير للون الاسود
انا كنت حامل فبنتى ولن صدرى كان اسود جدا وابنى العكس متغيرش وحملى ده لون صدرى بقى
اسمر جدا فقلت بنت بس الدكتورة قالتلى ولد ان شاء الله يعنى طلعت اوت
نيجى على تانى حاجة بيقولك لون البول فالبنت بيكون مائل للبرتقالى والولد بيكون اصفر فاتح
اولا من الحقائق العلمية لون البول الطبيعى بييكون اصفر فاتح ولو اللون غير اعرفى ان عندك املاح او صديد
بعد الشر على الكل وانا فاولادى الاتنين والحمل ده لون البول عندى واحد
نيجي للى بعد كدة يقولك هاتى قلم وابره وخيط وحطى الابره فاستيكة القلم لو القلم فضل رايح جاى يبقى ولد
ولو لف بطريقة دائريه يبيقى بنت اولا ده بيكون على حسب الايد يعنى انت اللى ممكن تخليه يطلع لقدام
او يلف بطريقة دائرية ومفيش اى حقيقة علمية بتقول كدة
نيجى للى بعد كدة بيقولك لو كرهتى الفراخ والبرفان واللحوم يبقى الحمل بنت والعكس ولد
اولا ده بيختلف من حمل لاخر على حسب طبيعة الحمل انا فحمل ده مش طيقة لا لحمة ولا فراخ
وفحملى فبنتى كنت بموت فالكنتاكى والفراخ المحمرة
بيقولك لو انت نفسك راحت للسكريات يبقى بنت ولو الحوادق يبقى ولد برده مفيش حقيقة علمية انا جارتى فبناتها كانت بتتوحم على
حوادق وفابنها كانت بتاكل حلويات بس فده بردهع بيختلف من حمل للتانى
بيقولك لو انت نفسك راحت لعصير البرتقال يبقى بنت ولو مش طيثاه يبثى ولد انا فاولادى الاتنين وحملى ده
باكل برتقال عادى جدا مش فرقه يعنى ومفيش حقيقة علمية
شكل البطن لو طالع لقدام مثل كرة السلة بيكون ولد ولو بالعرض زى البطيخة يبقى بنت ده يا فتتيكى بيبقى حسب وضع الجنين
يعنى وضعية الجنين عاملة ازاى فوق البيبي ولا صاقت لتحت وقوة عضلات الرحم والحقائق العلمية اثبتت ده
الغثيان لو بتصحى الصبح على غثيان وقئ يبقى بنت لو لا يبقى ولد انا فحملى ده كنت بصحى لوحدى وانا نايمة ارجع وعندى
لوعه شديدة وهموت من الاعياء وطلع ولد وفبنتى عمرى ما صحيت ارجع برده بيختلف من حمل لاخر
المناخير لو كبرت يبقى ولد لو زى ما هى يبقى بنت معلش يعنى مش عارفة ايه علاقة المناخير بالحمل اصلا والمناخير هتكبر ازاى
وترجع تكش تانى بعد الولادة
بيقولك الحامل بتكون حاسة بنوع الجنين طبعا فيه ناس بيصدق معاهم الاحساس وانا طبعا مش من الناس
دى خالص انا فبنتى كنت حسة انها ولد وطلعت بنت وابنى كنت حسة انه بنت وطلع ولد والحمل ده كنت متاكدة
انه بنوته الدكتورة اكدتلى 4 مرات انه ولد فبرده بتختلف من واحد للتانية
الاحلام بيقولك الاحلام بتدل نت حامل فاية يعنى لو بتحلمى ببيجامة يبقى ولد لو بتحلمى بفستان يبقىبنت
اولا ده بيكون من عقلك الباطن يعنى على حسب انت نفسك فاية
ومفيش حاجة بتؤيد ده ابدا
يقولك الطلق فالبنت بيكون فالبطن الولد بيكون فالضهر وانا ساعتها هبقى فيقة اشوف الالم فين ماانا
لو استنيت شوية هعرف
لو بطنك صغيرة يبقى ولد ولو كبيرة يبقى بنت انا فبنوتى كانت بطنى مش باينه الا فالشهر
التاسع بس ومحدش كان عارف انى حامل ابدا لما كنت بمشى فالشارع وفابنى بطنر كانت كبيرة بغباء
رغم انى معنديش بطن اصلا فالطبيعى وزنى 50 كيلو
عدد ضربات قلب الجنين لو اقل من 140 يبقى ولد ولو اكتر من 140 بيكون بنت
علشان تكونوا عارفين عدد ضربات قلب الجنين من 12-160 دقة فالدقيقة وده بيختلف على حسب عمر الجنين
وبيختلف من زيارة لاخرى عندى الدكتور
لو وشك احمر واحلو يبقى بنت انما لو اوحشيتى يبقى ولد طبعا ده غلط لان هرمون الاستروجين بيختلف من ام للتانية
وكل ما زاد زادت معاه الحمرة فمش شرط ابدا
الشعر لو احلو يبقى بنت ولو اوحش يبقى ولد معلش ازاى يعنى لو واحدة شعرها
مش حلو خالص جاف وهايش ازاى هيحلو طبيعة شعرها كدة ولو واحدة شعرها حرير ازاى هيبقى اكرت
لو صدرك اليمين اكبر بتكونى حامل فولد ولو صدرك اليمين اكبر بيكون بنت ولو الاتنين متشاويين بيكونوا توأم
اولا ملوش اى علاقة بنوع الجنين ده بيختلف على حسب هرمون البرولاكتين فالصدر مش اكتر
وصراحة اكتر حاجة ضحكتنى لو صحيتى لقيتى مخدتك راحة نحية الشمال بيكون ولد ولو راحة ناحية الجنوب بيكون بنت
مش فاهمة بقى ازاى مخدتى هتكون راحة ناحية الجنوب مهاجرة يعنى
وفالاخر ربنا يرزق كل واحدة بالحمل السليم المعافى ويقومنا كلنا بالسلامة ان شاء الله ونفرح باولادنا كدة
وربنا يجعلهم يارب بارين بينا كلنا
ناهد حنفى محمد ناهد حنفى محمد فتكات هايلة Fatakat 1030191 الرياض – السعودية