بسم الله الرحمن الرحيم
السلام عليكم ورحمه الله وبركاته
ازيكم فتوكاتى حبايبى …………………………………اسعد الله ايامكم يارب سعاده دائمه
وحشتونى كتيييييييييييييير كتيييييييير جدا
والحمدلله رجعنا لبعض تانى,,,,,,,,طبعا اللى فاكرين الجروب عارفين انى توقفت عنه لان الحمدلله ربنا كرمنى باادم افندى عقبال ماربنا يراضى الجميع يارب
اعضاء الجروب القديم كانت
ساره
رحاب
فايزه
شهودى
شيماء
عائشه
نورا
والحمدلله والشكر لله الناس دى لسا بتكلم معاها وصلتى بيهم طيبه واصدقاء زى الفل وتحياتى ليهم جميعا ويارب يجوا تانى ونتجمع سوا اللهم امين….
انا بقى هقولكم قصه صغيره كدا حصلت من الجروب اللى فات وليه عملت الجروب تانى ومن غير دوشه واسفه انى هضايقكم بالخبر ده
انا انفصلت والموضوع بالكامل مكتوب فى موضوعاتى ,,,,,لكن مش ده اللى خلانى افكر تانى فى انى اخس وبس
ياما كتير بينفصلوا وبيحصل مشاكل ,,,لكن انا كان جسمى جزء من كره زوجى ليا خاصا بعد عمليات الحقن المجهرى واللى كانت بسببه هو لكن طلع ان الزوج المصرى وخاصا زوجى مالوش دعوه العيب فى مين المهم احافظ على نفسى علشان لايفتن من برا …وطبعا دى قله ايمان
لكن فيها جزء صحيح وهو انى اهتم بشكلى …
لكن بصراحه فضلت اعاند وكبرت دماغى وسبت نفسى خاااالص للزياده الجسم ,,,,لحد على مشكله تافهه انفصلت ومنها لله وحسبى الله ونعم الوكيل فيها اللى كانت السبب ,,,
بس فى وسط المشاكل لقيت قريبه ليا بتقوله احسن انك سبتيه فبقولها ليه؟؟؟؟؟؟؟؟؟؟؟
قالتلى اصلا مكنش بيحبك حد يحب واحده يقول عليها …وانا ايه اللى يصبرنى انى اعيش مع واحده تخينه…..
طبعا الكلمه دى صدمتنى جدااااااااااااااااااا بل وقتلت اى مشاعر جوايا وضمرت كل شىء من جوايا ………يساتر على الوجع بتاعها اعوز بالله
كان كل اللى مانعنى بعد لما عرفت الكلمه دى انى برضع ابنى لكن الحمد والشكر لله اصبح سنه ونص وممكن خلاص يستغنى عن الرضاعه
خاصا ان نفسيتى انتهت واللبن وقف تقريبا من كتر الزعل….
كلمه كل لما اجوع ولاازعل واجرى على التلاجه زى عادتى افتكرها افوق
كنت زمان جميله جدا جسم وشكل واخلاق وكله دلوقتى حسيت انى بقيت كبيييييييييره وست عجوزه ,,اقسم بالله مش ببص فى مرايا
لكن بصيت لقيت ربنا وقفلى دكتوره بنت حلال ربنا يكرمها يااااااااااااارب
قالتلى كلمه فوقتنى جداااااااااااا ((((((((((((((( قالتلى انتى صابره علشان ترضعى ابنك وجسمك عمال يزيد لانك طبعا بتجوعى ,,,,لو جرالك حاجه مين هيربى ابنك ده ))))))))))))
صح كلمتها صح ,,,انا ماليش بعد ربنا حد …..صح لو فجاه جرالى حاجه من السمنه بتاعتى دى مين هيربى ادم ابنى داحنا فعلا مالناش حد
انا بقيت اتكسف اقابل اصحابى اخاف من اول كلمه يقولوها اييييييييه ده شكلك بقى عامل كدا ليه ؟؟؟
مش بخرج الا بااسود ولبس واسع يخلينى شكلى اتخن
بخاف انزل من البيت ,,,,,,,مش بقيت بقدر اصلى الا وانا قاعده ………..مش لاقيه لبس لجسمى ……كل مره بستحمى فيها بعيط لانى قرفانه من شكل جسمى …….كل يوم اقوم من نومى على كابوس مش قادره ادوس فى الارض من شده وجع الكعب
وشى تبارك الخلاق الحمدلله نعمه من ربنا …..لكن تعببببببببببببت من كلمه ياحرام وشها جميل ياخساره لو تخس شويه
الناس لو تعرف قد ايه البنت المليانه ببتالم من كلمه تخينه دى او انى اظهر فيها عيب
اه لو الشاب يعرف لما يجرح بنت مليانه بتالم ازى وتتعذب ويخليها مش طايقه نفسها
اه لو الزوج يقدر زوجته المليانه دى ويقف جنبها ويساعدها لانه هو السبب فى جزء من ملي جسمها ده
اه لو الست البياعه فى المحل لما ادخل اشترى حاجه واقولها ممكن اشوف الفستان ده,,,,,تبصلى من فوق لتحت وتقولى مافيش مقاسك بضحكه سخريه كانى فيا ابتلاء او ديناصور واقف قدامها ,,,,دانا حتى فلفول صغير ههههههههههههههه
انا بحمد ربنا ان من كل الضغوط دى وعايشه الحمدلله
بس لازم اعيش بحق الله …لازم اعيش واقول لكل اللى جرحونى انا الحمدلله رجعت زى الاول
مش ممكن يفصل بينى وبين الحياه شويه دهون
لسا قلبى بيبنض ولسا ابتسامتى فى وشى ولسا عيونى بتشوف ولسا بمشى على رجلى رغم انها تقيله لكن لازم اعيش وبدل ماكون مبتسمه بس اضحك اوووووووووى ولازم قلبى يبنض بسرعه من كتر السعاده ولازم اجرى مش امشى وبس
لازم اعيـــــــــــــــــــــــــــــــــــــــــــــــ ـش
لازم اعيش ده اسم الجروب الجديد لجروب كمترايه مقلبظه وهتبقى مالوظه
باذنك ياكريم هعمل رجيم مدى حياتى مش كام يوم وبس ولاكام شهر وبس ولا كام سنه وبس لا اللى باقى من عمرى
هعيش باذنك ياكريم,,,,هرضيك هرضيك هرضيك وهعمل كل ماهو عليا من واجب تجاهك ,,,ومش طالبه منك ياكريم غير المساعده فى تحقيق حلمى ,,,,,,,,,,,,,,يااااااااااااااااااااااااااااااااااا ااارب
طالبه كل من يدخل معايا فى الجروب يحقق حلمه قادر ياكريم يارب
مش هقولكم نظم رجيم نمشى عليها لانكم مش هتشموا عليها ولو مشيتم يوم واتنين ولا شهر وهتنسوا الجروب وده مش علشان مهملين لا علشان مش لينا هدف بجد حطينه فى دماغنا ………ونقول حجه النسيان لا مش صح احنا بلاداء
ايوه بليده اللى تخلى ممثله ولامطربه ولا بت فى الشارع تلفت نظر جوزها ويقولك انتى ماثره معايا
ايوه بليده اللى تحرم نفسها من عمرها
ايوه بليده اللى تروح لترزى علشان جسمها كبير
ايوه بليده اللى تخلى جوزها يقولها جسمك تخن بصى البنات
ايوه بليده اللى توصل جوزها يقولها زى ماقالى جوزى
ايوه بليده اللى تخلى اى شاب او زوج مصرى يقول يالهوى على اللبنانيه جسم ايه وشكل ايه
والله والله والله وقسم اتحاسب عليه مافى زى المراه المصريه وقوه تحملها ماهو الغلب اللى خلاها كدا
يلا يابنات …………..يلا ياسيدات ………….يلا ينساااااااااااااااء
قولول بسم الله وتوكلنا على الله ونحاول نعمل مع بعض رجيم ….يلا نحاول نبقى احسن
من غير كلام كتير لانى طولت عليكم انا هقولكم باذنك ياكريم هعمل ايه ……….وكل واحده حره تخس زى ماتحب وكلنا بس نفيد بعض وندخل نطمن على بعض ونقول عملنا ايه وندردش وننسى الاكل
بس فى نفس الوقت مش نهمل البيت ولا الاولاد بس يااااااااااااااااريت بقى كل ست مصريه تفتكر نفسها شويه
عيشـــــــــــــــــــــــــــــــوا يانســـــــــــــــــــــــاء مصــــــــــــــــــــــــــــــــــــــــــــــــ ــــــر
انا اول باذن الله ماهصحى الصبح هشرب …..3 كبايات ميا على الريق وانسوا الهبل بتاع الميا السخنه ولا الخل ولا الكمون ولا ولا ولا
احنا هنخس وبارخص الاساليب واحلاها وافيدها باذن الله
الافطار
بالنسبالى انا هيبقى كبايه شاى باللبن بس
ممكن اى حد يفطر بيضه او فول او ربع رغيف زى ماتحبــــــــــــوا وطبعا كلنا عارفين كويس اوى ايه اللى بيتخن وايه اللى مش بيتخن
الغدا
سلطه كبيييييييييييييييير وشوربه لسان عصفور او علبه تونه او فراخ مسلوقه لاعيش ولا رز ولامكرونه لمده شهر على الاقل
العشا
زبادى او سلطه فاكهه داااااااااااااااااااااائم
بعد كل وجبه الشاى الاخضر باذن الله بسكر دايت واى مشروبات وعصاير بدون سكر
واى اكل بعد الساعه 7 مااااااااااااااااااااااااااااااااااااااااااااااااا اااااااااافيش باذن الله باذن الله سوايل وبس
ووسط النهار طبق سلطه عند الشعور بالجوع وشاى باللبن وعادى اى مشروبات اى شىء او فاكهه ثمره واحده
الممنوعات
اى زيت او سمنه او زبده ممكن زيت زيتون بس
سكر
عسل اسود
طحينه
مربى
رز
مكرونه
عيش
شيبسى
حلويات
شيكولاته هانم اللى ودتنى فى داهيه
لب
الاندومى
بيبسى والحمدلله مش بحبه
انا مش هقول اى شىء تانى بس هقول هتورونى بجد لو بقينا جروب جميل سوا مع بعض وعملنا حاجه لحياتنا
اى حد وزنه كبير يدخل هنا ونواجه المشكله بصراحه ومن غير اى عيب ………….انا عالجت نفسى نفسيا دلوقتى وبقيت بنزل وبلبس ولا يهمنى وادخل المحل واقول بنفسى عايزه مقاسات كبيره واشوف واختار وينا ياالسمنه دى باذن الله
بصى بالله عليكم على شويه الصور دى ,,,,,,,بصو الست المليانه مسخه وبيتريقوا عليها ازاى متهيالى عمر مافى كاريكاتير على واحده عودها حلو …
هسيبكم تحكموا بنفسكم
انا مش هحط الصور الباقيه علشان مش نضايق اكتر
اانا هبتدى بنفسى وكل اللى عايزه تشترك تنورنا وتكتب البيانات زى مانا كاتبه بالظبط
وتدعى ربنا قبل كل شىء كل مانخش ان ربنا يوفقنا
اسمى ….ام ادم
سنى…..30
المهنه….ربه منزل
متزوجه…منفصله
عدد الاولاد….1
الوزن حاليا 145 كيلو جرام
الطول …..173
اللى المفروض ابقى عليه والوزن المثالى بالنسبالى ….80 كيلو باذن الله
بسم الله وانا اول اعضاء الجروب مين معايا
فتوكه العسل_542 فتوكه العسل_542 images/flowersavatars/avatar0015.jpg فتكات ست الكل Fatakat 271347 اتمنى اعيش فى بلد مافيهاش الم – حتى الان الواقع