عملت بيتزا جنان ولا بيتزا هت !!
مقاديرها بسيطه جدا وجميله جدا ويارب تحبيها قد كده 
وخاصة لو عيالك بيدلعوا ومش عايزين ياكلوا
المقادير:
مقادير 2 بيتزا بعمل واحده واشيل التانيه فى الفريزر:
الدقيق انواع علشان كده لما العجينه ما تلزقش فى ايدك كده يبقي تمام
انا بدفى شوية ميه حوالى كوبايه شوب
وبحط عليها معلقتين كبار خميرة فوريه
ومعلقه كبيره سكر
واقلب
و احط الدقيق ونصف معلقه صغيره ملح ممسوحه
واقلب
واضع ربع كوب صغير زيت
واضع دقيق لغاية ما العجينه تتماسك
وما تلزقش فى ايدى
اعجنها كويس
واغطيها بكيس بلاستيك نظيف واركنها لغاية ما تعلى وتتضاعف
فى الحر بتخمر وتعلى بسرعه ممكن فى نصف ساعه
فى الشتاء ممكن تاخد ساعه الى ساعه ونصف
المقادير :
1طماطم
1 فلفل
قطعه صغيره جبنه تشيدر كرافت
جبنه موتزريلا بوك
بيبرونى
صلصه جاهزه اسمها ريد كارى
اكور العينه كويس علشان تطلع مدوره وانا بفردها
وافردها وهنا فى تكايه لو عايزاها شويه كرسبي افرديها كتير
ولو عايزاها زى الفينو شويه افرديها حبه صغيره يعنى خلى فى سمك فيها
وده على حسب ذوقك بس لو هتعمليها للضيوف علشان ما يعيبوش عليكى
افرديها شويه وخلى السمك صغير شويه
ادهنى الصينيه زيت وضعيها بها
ادهنيها بالصلصه على خفيف لان طعم الصلصه قوى جدا
ضعى طبقه جبنه موتزريلا علشان تمسك الحشو وما يقعش وانتى بتاكليها
ضعى فى الاخر الجبنه الشيدر مقطعه صغير جدا ومعاها شويه موتزريلا صغيره
وفوقها البيبرونى
دخليها الفرن ولما تقرب تستوى طلعيها وضعى طبقه جبنة موتزريلا
زوووم
يا بنات رجاءءءءءءءءءءءءءءءءءءء التقييييييييييييييييييييييييم والتعليق ولو بكلمه صغيره ترفع الموضوع 
مواضيع هذا القسم برعاية
جودى الاروبه جودى الاروبه 411031_1.gif فتكات هايلة Fatakat 411031 القاهره الكبرى – مصر