السلام عليكم يافتوكات ياقمرات عاملين ايه الحمد لله انا انهارده رحت عملت الفور دى تعالو احكيلكم اللى حصل
اولا انا عملتها فى FETO CLINC CENTER ده مركز د لؤى زايد فى رشدى وبصراحه الدكتوره بتاعتى هى اللى رشحته واصرت عليه وبصراحه عندها حق جدااااااا المركز تحفه والدكتور ممتاز جدا وفاهم اوى اوى اوى وعنده ضمير ماشاء الله عليه قعد تقريبا ساعه الا ربع طبعا هنا بناتى اللى دوخوه بس الحمد لله طمنى على كل حاجه فيهم وكل التفاصيل وطبعا انا كنت بقارن بتجارب صحباتى اللى تقولى الدكتور عملهالى فى 5 دقايق واللى تقولى مكملتش 10 دقايق ومقاليش حاجه مفيده…….المهم هى ب300ج وعلشان انا الحمد لله عندى توأم ب350 وعلى فكره هو طلع دكتور نسا مشهور وبيولد فى اجيال كمان
باقى الرحله بقى انا رحت مستشفى اجيالى علشان اعرف الاسعار لان المركز جمبها تقريبا هقولهالكم
طبعا دى اسعار المستشفى غير شامله لاجر الطبيب هما كاتبين كده
بس فى حاجه غريبه اوى هموت وافهمها هما مفرقين فى سعر الغرفه لو الولاده قيصرى او طبيعى نفسى اعرف هتفرق فى ايه المهم الاسعار بقى
جناح ملكى …..قيصرى 3375 طبيعى 2812
غرفه درجه اولى ممتازه قيصر 2080 طبيعى 1575
غرفه درجه اولى بمرافق قيصرى 1800 طبيعى 1350
غرفه درجه اولى قيصرى 1406 طبيعى1125
غرفه درجه تانيه قيصرى 843 طبيعى 562
السعر يشمل اقامه لمده يوم واحد+فتح غرفه العمليات +رعايه طبيه وتمريضيه +مستلزمات للام بحد اقصى 150ج+يشمل الجناح الملكى والغرفه الدرجه الاولى الممتازه وجبات للحاله والمرافق معا ووجبات للحاله فقط بباقى انواغ الغرف
مستلزمات الطفل يتم المحاسبه عليها وفقا لاسعا المستشفى
يضاف 400ج تأمين لجميع الغرف
(ودى انا مش فهماها الصراحه والنور كان مقطوع فمعرفتش اسال يعنى دى بتسترد ولا بتتاخد)
yasmin hossam yasmin hossam 694997_2.gif فتكات متميزة Fatakat 694997 الاسكندريه – مصر