بسم الله الرحمن الرحيم
السلام عليكم ورحمه الله وبركاته
مســـــــــــــــــــــــــــاء الخير عليكم يا احلى فتوكات
انا االيوم عملت عزومه لصحبتى لانها اتنقلت من الشغل لمكان تانى وحبيت انى اجمع صحباتنا كلهم ونعبرها لها عن تقدرنا ليها فانا اقترحت عليهم العزومه تكون عندى
وده لينك الموضوع الى كنت بستشركم فيه اعمل ايه
https://fatakat.univanet.com/#2561049
طبعا احنا كنا حوالى 12 واحده فقولت طبعا مش هينفع نقعد على السفره فقولت انا هعملها قعده عاديه فى الانتريه واحط لكل واحده فى طبق وكانت والله فكره لذيذه وطبعا عملت كله نواشف عشان كمان الاطفال
تعالى اوريكم بقى عملت ايه
عملت لكل واحده طبق فيه ( قطعه مكرونه باشميل , قالب ارز , وقطعتين فراخ بانيه , و2 صابع كفته الحاتى )
وده صورة الطبق
طريقه المكرونه الباشميل
بسلق نص كيلو مكرونه فى ميه شويه وزيت وملح
ونعصج اللحمه عادى
واعمل الباشميل عباره عن
8 معلق دقيق واشوحهم فى معلقتين كبار سمنه اوزبده
وبعدين ابتدى اضيف الشوربه او اللبن واحده واحده بس لازم يكون اللبن او الشوربه سخنه وبعد ما اقفل عليه احط بيضتين وملح وفلفل واقلب بسرعه
وبدهن الصينه الى هعمل فيها واحط نص مقدار المكرونه
وبعدين نحط اللحمه المفرومه
وشويه باشميل صغيرين
وبعدين بحط بقيت مقدار المكرونه
واحط بقيت الباشميل
وبعدين بضرب بيضه واحطها على الوش وادخل الصينيه الفرن
وبالف هنا
طريقة البانيه
والبانيه تبلته عادى فى ملح وفلفل وبصل وسيبته يتبل من بليل للصبح
وبعدين بحطه فى الدقيق ثم البيض ثم البقساط ونقليه
وطريقه الارز انا حمرته عادى فى سمن وشويه زيت ذره ومعلقه كركم او بودره زعفران عشان يديله اللون الاصفر وكمان بيخلى طعمه حلو وبسقيه بالشوربه
وبكده اكتمل طبق العزومه
ايه رايكم بقى
انفع ولا لأه
وحطيت على تربيزه الانتريه
4 اطباق صحينه
وحطيت 3 اطباق شيبسى كبيره
بس للاسف مش صورتهم
وبعد الغدا قدمت يوسفى وتفاح
وبعد ساعه كده قدمت حمص الشام
بجيب ربع كيلو حمص شام وانقعه 12 ساعه
وبعدين بحطه على االناار لحد ما يغلى
واحط عصير 3 طماطم ومعلقه صلصه عشان اللون
و3 فصوص توم مفروم وملح وكمون وخل وشطه حسب الرغبه
وتسبيه ينضج وبعد مقفل عليه اعصر ليمونه كبيره او اتنين
بس ويتقدم وبالف هنا
وبعد شويه كده قدمنا الهدايا الى جبنها ليها ( جمعنا من بعضنا وكانت هدايا مشتركه )
ها ايه رايكم
ومتنسوش التقييــــــــــــــم
مواضيع هذا القسم برعاية
بوسى ام ملك بوسى ام ملك 91283_4.gif فتكات غالية قوي Fatakat 91283 عيون ابنتى – حضن زوجى