السلام عليكم ورحمة الله و بركاته
الفتوكات الحلوين عاملين ايه ع الغدا النهارده ؟ و مين عازمني؟ولا انا صاحبة بيت و مش محتاجه عزومه ولا هتكسفوني ولا اييييييييييه
المهم ندخل في الموضوع .. انا كنت قرأت موضوع هنا لفتوكه كانت بتقول عشان البادنجان مايشربش زيت نقطعه ونرش عليه ملح و نحطه في مصفى ونسيبه شويه لحد مايسرد ميته وبعدين نقليه .. عملتها انا وماما وماشربش زيت فعلا وماما مبقتش مصدقه ولا اختي .. اصل احنا بقالنا كتيييييييييييييير مش عملناه عشان كمية الزيت اللي بتبقى فيه دي
بس بجد طاااااالع طعمه يجنن ربنا يباركلها الفتوكه اللي قالت الطريقه دي والله جزاها الله خيرا و الله لو اعرفها كنت شكرتها بالاسم
البطاطس بقى : قطعتها رفيعه زي ما بحب اقطعها دايما و رشيت عليها ملح برضو و زودت خل (وممكن اللي عايزة تزود ملح وشطه و لمون) بعد كدا قليتها عااااادي جدا
عايزة اقولكو انها طالعه من النار مش محتاجه ملح خاااااااااااااااالص و كمان مقرمشه و طعمها حلو جدا جدا جدا بجد .. معرفش القرمشه دي من نوع البطاطس نفسه ولا من الخل والملح وكمان مش شاربه زيت اوي برضو.. بس المهم ان طالعه نكهة الخل و طعمها حلو .. جربوها
والسلام عليكم و رحمة الله .. قاعده في سايبر بقى عشان كدا مش عارفه اهزر و ارخم براحتي مواضيع هذا القسم برعاية
اللهم أعني على نفسي اللهم أعني على نفسي فتكات رائعة Fatakat 514770 شبين الكوم – المنوفيه